Milan mendon sërish për Ancelotti-n

Ndoshta për këtë, Carlo Ancelotti mund të rikthehet në bazë. Pikërisht në këtë pak periudhë të drejtuar nga Clarence Seedorf, ish-trajneri i adhuruar është kthyer në mënyrë surprizë në planet e Adriano Galliani-t dhe Berlusconi-t.

Është një operacion i komplikuar, i sapo ideuar, por edhe një ide me baza, jo e lindur më kot, dhe mbi të gjitha e bazuar në ndjenja. Nga njëra anë është tekniku, që e bëri të madh Milanin në Itali dhe në Europë, përpara zhvillimeve të këtyre viteve. Nga ana tjetër është një klub që ka bërë të famshëm Ancelotti-n në panoramën botërore, kështu që Ancelotti i detyrohet shumë.

Pa Milanin nuk do të kishte ekzistuar Carlo Ancelotti. Ndoshta edhe pa Ancelotti-n, klubi kuqezi do të kishte të paktën 2 Champions-a më pak në palmaresin e tij. Thjesht janë destinacione që duhen bashkuar sërish.

E megjithatë kjo nuk mjafton të shpjegosh zgjedhjet e komplikuara, të rëndësishme dhe thuajse të përcaktuara. Carletto është duke përjetuar një tjetër moment domethënës në karrierën e tij. Pas më pak se 1 javë luhet finalja e Champions-it mes Atletico-s dhe Real Madrid, e pikërisht nga ky derbi më prestigjioz i Europës varet një pjesë e rëndësishme e së ardhmes së tij.

Thonë se në Madrid, tifozëve dhe një pjese aksionerësh u pëlqen shumë pak Ancelotti, sepse nuk sjell entuziasëm, është njeri serioz, teknikisht i përgatitur, pa dyshim, por me një mentalitet jo shumë spektakolar, “difekt” që mund të anashkalohet për sa kohë që fiton.

Një rikthim do të jetë i kushtueshëm, pasi Ancelotti do të duhet të reduktojë pagën aktuale, rreth 10 milionë euro, duke e ulur në rreth 4 milionë euro, por duke ditur se në stafin teknik do të ketë vend edhe për djalin e tij… Por, a do të pranojë?

Top Channel