Shkatërrohen me tritol ndërtimet
24/04/2014 00:00
Anulimi i provimit të fazës së dytë, reagon Shkolla e Magjistraturës: Pasi u bë verifikimi i të gjitha ankesave… 24/04 22:03
Me anë të tritolit janë shkatërruar dy ndërtime pa leje në ishujt e
Ksamilit. INUK ka nisur nderhyrjet per prishjen e ndertimeve ne zonën e
Ksamilit dhe të parat që u shkatërruan ishin dy lokale, restorante që
ishin ndërtuar në ishujt përballe Ksamilit.
Aksoni i nisur të mërkuren do të vijojë edhe në ditët në vijim deri në prishjen e objekteve të paligjshme të ndërtuara në ishujt e Ksamilit.
Pronarë të këtyre objekteve nuk kanë reaguar për prishjet ndërsa më parë ata kanë hequr nga objektet ato që mund të hiqeshin.
Pogradec, pronarët e një fushe minifutbolli përplasen me INUK
Pronarët e një fushe minifutbolli në fshatin Buqezë të Linit, buzë liqenit të Pogradecit janë përplasur me punonjësit e INUK, të cilët në kuadër të një aksioni në këtë zonë kishin shkuar për prishjen e objektit pasi ishte pa leje.
Është dashur ndërhyrja e policisë që situata të normalizohej dhe INUK të riniste aksionin, ku veç këtij objekti ne fjale, janë parashikuar për t’u prishur edhe 7 objekte të tjera pa leje.
Edhe ditën e djeshme INUK u përball me qëndresën e banorëve ne Pogradec, të cilët kundërshtonin prishjen e objekteve në pronësi të tyre me pretendimin se janë ndërtuar me leje.
Top Channel
