Aksident pranë Sukthit, një i vdekur
15/03/2014 00:00
Policia e ndaloi për kontroll rutinë, shqiptarin e tradhton gjuha e trupit dhe “bie në kurth”, pranga pasi iu gjet kokainë në makinë 18/04 16:52
Një person ka humbur jetën në orët e para të mëngjesit të së shtunës, nga një aksident i ndodhur në superstradën Tiranë-Durrës.
Ngjarja e rëndë ka ndodhur në Sukth, ku si pasojë e përpasjes së dy
automjeteve, një furgoni mallrash dhe një automjet “BMW”, ka humbur
jetën drejtuesi i njërit prej mjeteve.
Nga hetimet e para në vendin e ngjarjes rezulton se automjeti tip “BMW” me targa “AA 944 CZ”, i drejtuar nga shtetasi Ilir Ajazaj, 29 vjeç nga Durrësi, i ka rënë nga pas furgonit të mallrave, që si rezultat i goditjes ka dalë nga rruga dhe është përmbysur.
Drejtuesi i furgonit, shtetasi Marsel Rrapi, 27 vjeç me banim në Tiranë ka gjetur vdekjen në spital, ndërsa policia ka ndaluar Ajazajn për të sqaruar rrethanat e kësaj ngjarjeje rrugore të regjistruar në orën 06.10 të mëngjesit.
Zjarrfikësit kanë ndërhyrë në aksin Tiranë-Durrës për të larguar nga rruga produktet ushqimore që janë shpërndarë gjithandej nga furgoni i mallrave, me qëllim shmangien e aksidenteve të tjera rrugore.
Top Channel
