18:35 Serial "Smash"
19:30 Lajmet e Moti
Programi i plote
PUBLICITET
Slogani: Ne jemi ndryshimi-përpara
10/01/2013

Në mbledhjen e kryesisë së Partisë Demokratike, ku u vendos për nisjen e fushatës elektorale në strukturat e PD-së, kryeministri Sali Berisha zbuloi sloganin elektoral të forcës që kërkon një tjetër mandat qeverisës.

“Ne jemi ndryshimi-përpara!” do të hapë fushatën elektorale. “Unë jam i sigurt se nën këtë moto shqiptarët do të bashkohen njësoj si në vitin 1992. Forcën e tyre të ndryshimit nuk mund ta pengojë asgjë”.

Kryeministri Berisha shpjegoi edhe arsyet përse ka vendosur, që ky të jetë slogani i Partisë Demokratike për fushatën e zgjedhjeve të 23 qershorit.

“Ky slogan shpreh më bukur se çdo slogan tjetër realitetin që ne kemi krijuar, vizionin që ne paraqesim. Një mijë herë po ta mendosh, nuk mund të gjesh cilësim dhe kualifikim tjetër, se ne jemi ndryshimi. Ne jemi ndryshimi, por çfarë do të thotë kjo? Përpara!”.

Më herët, në disa fjalime të tij, kryeministri Berisha e kishte përmendur togfjalëshin “Ne jemi ndryshimi", që u shndërrua në pjesën e parë të sloganit elektoral të PD-së. Ndërsa “përpara” është përkthim i “forward”, slogani i Barack Obama-s në fushatën për mandatin e dytë si president i Shteteve të Bashkuara, gjë që kryeministri e pohoi kur mbaroi fjalimin e tij.

“Ne jemi ndryshimi, por ‘forward’”, tha ai.

Në mbledhjen e kryesisë, kryeministri Berisha bëri të qartë edhe shtyllat kryesore, ku do të mbështetet programi elektoral i Partisë Demokratike, të cilat kryeministri i cilësoi si interesin më emergjent për qytetarët, si punësimi, arsimi, sistemi shëndetësor dhe ai energjitik. Një program, që do të detajohet në muajt e ardhshëm, por që sipas kryeministrit, në konkretizimin e tij realizohet më së miri ideja e bashkimit të shqiptarëve me njëri-tjetrin, e bashkimit të shqiptarëve me Europën.

“Projekti ynë do të jetë projekti i fazës vendimtare, Shqipëria vend i zhvilluar. Se Shqipëria vend i zhvilluar është interesi jetik i mbarë shqiptarëve. Pra rritja e Shqipërisë, zhvillimi i saj është, para së gjithash, vepër e qytetarëve dhe të gjithë ata, që ngrihen kundër kësaj rritjeje në emër të betejës me Sali Berishën, harrojnë se kjo është një betejë me qytetarët”.

Kryeministri Berisha nuk la jashtë vëmendjes edhe komentet rreth zhvillimeve në forcën më të madhe të opozitës.

“Çfarë ndodh në kampin tjetër? Mosbesim dhe kaos i vërtetë për të mos thënë dorëzim përpara ditës vendimtare të betejës. Thirrje ndaj këtij edhe atij, aman bashkohuni me mua se nuk fitoj, a thua se të gjithë kanë preokupim karrigen e Edi Ramës”.

Kryeministri Berisha tregoi se ka ndjekur me vëmendje edhe komunikimin në Twitter të zotit Rama, kur ai iu referua një përgjigjeje të tij për një aleancë eventuale me partinë e ish-presidentit Bamir Topi.

“Se ajo fjala, që i tha mos u hiq si i virgjër, nuk do të thoshte se kanë fjetur në një shtrat. Ajo do të thoshte se kanë ngrënë në një çanak, te klubi i ashikut. Pra, shkon në zgjedhje, vetëm me njeriun, i cili, më falni për shprehjen, i nxorri edhe zorrët nga gazi Sokol Ballës, kur i tha se edhe president më bëri Sali Berisha me zor. Vdiq Sokoli nga gazi. Por lë ti lëmë në virgjinitetin dhe ç’virgjinitetin e tyre. Ne ecim pas çdo vote në çdo skaj të këtij vendi”, përfundoi Berisha. / Top Channel









Më shumë nga politika
Nishani dekreton Ermonela Felajn
Presidenti Bujar Nishani dekretoi Ermonela Felajn në postin e Ministres së Shtetit për Marrëdhënie me Parlamentin.
Anulohen lejet e paligjshme
Agjencia Kombëtare e Planifikimt të Territorit do të anulojë lejet e ndërtimit të dhëna nga kryetarë komunash dhe bashkish në kundërshtim me ligjin.
Konferenca e Berlinit për Ballkanin
Konferenca e Ballkanit për zv.presidenten e Institutit të Politikave Europiane në Berlin, Katrin Bottger, e kthen rajonin në axhendën e politikës gjermane.
Projektet në tryezën e Angela Merkelit
Infrastruktura, energjia dhe turizmi janë tre shtyllat që përmban dokumenti që do t’i çohet në tryezë kancelares gjermane Angela Merkel në Konferencen me vendet e Ballkanit.
Pezullimi i lejeve të ndërtimit
Kreu i ALUIZNI-t Artan Lame tha se vendimi i qeverisë për pezullimin e lejeve të ndërtimit deri në vitin 2015 synon t’i japë fund asaj që e quajti “dalldi të fund mandatit” të qeverisjes vendore, ndërsa i bëri apel opozitës të mos e përdorë çështjen poltikisht.


Lajmet kryesore

Slogani: Ne jemi ndryshimi-përpara
Helikopteri ngel në Dukagjin
U qëllua ditën e dytë të operacionit, policia planifikon evakuimin
Konferenca e Berlinit për Ballkanin
Fullani: Po ndjekim kuadrin ligjor
Anulohen lejet e paligjshme
Nishani dekreton Ermonela Felajn
Masakër në pyjet e veriut
Më të lexuarat
Temat e ditës
Ukraina, Vjedhja e Bankës, Lindja e Mesme, Aksidente rrugore, Aksioni anti-droge, Kriza greke, Vrasja e bankierit
Top Channel 2001-2014
Ndalohet riprodhimi i paautorizuar i permbajtjes se kesaj faqeje.