Haradinaj, në pritje të vendimit

06:08 "Fiks Fare"

PUBLICITET

Haradinaj, në pritje të vendimit
27/06/2012 23:00

Kanë përfunduar seancat gjyqësore në gjykimin e pjesshëm ndaj ish kryeministrit të Kosovës, Ramush Haradinaj dhe bashkëluftëtarëve të tij, Lah Brahimaj dhe Idriz Balaj. Tashmë i mbetet Trupit Gjykues të Tribunalit në Hagë që të shpallë vendimin në lidhje me këtë proces, dhe sipas të gjitha gjasave kjo pritet të ndodhë në shtator të këtij viti.

Ndërsa mbrojtja ka kërkuar nga Trupi Gjykues që të mos i marrë parasysh dëshmitë për të cilat kanë konstatuar se janë të mbushura me gënjeshtra, të bëra për përfitime personale,
Prokuroria ka insistuar të kundërtën.

Gjatë së mërkurës, në ditën e tretë të seancës përmbyllëse, avokati i të akuzuarit të tretë Lahi Brahimajt, Richard Harbi ka paraqitur fjalën e tij përfundimtare, ku i ka kërkuar Trupit Gjykues që të mos jetë viktimë e dëshmive të Prokurorisë.

Gjatë dy ditëve të mëhershme mbrojtja e Ramush Haradinajt dhe Idriz Balajt paraqitur argumentet kundër pretencës së prokurorisë.

Ben Emerson, avokat i Haradinajt i pati kërkuar Gjykatës që të shikojnë me kujdes çdo shënim të Prokurorisë, sepse sipas tij, janë citime të gabuara të dëshmive, ndërsa e ka paraqitur klientin e tij si luftëtar të ndershëm gjatë luftës, dhe mbrojtës i minoriteteve, pas saj.

/ Top Channel

Facebook

Më shumë nga Kosova

S’ka akord zbatimi mes Kosovës e Serbisë
Janë mbyllur pa rezultat, bisedimet e ditës së parë në Bruksel, mes kryeministrave të Kosovës dhe të Serbisë, për planin e zbatimit të marrëveshjes së 19 prillit.

Zbatimi i marrëveshjes Kosovë-Serbi
Në Bruksel po zhvillohet raundi i radhës i negociatave mes kryeministrave të Kosovës dhe të Serbisë, kësaj herë për planin e zbatimit të marrëveshjes së 19 prillit.

Serbët e veriut: S’ndryshojmë qëndrim
Serbët e veriut të Kosovës kanë kundërshtuar sërish marrëveshjen e Brukselit të arritur ndërmjet kryeministrave Hashim Thaçi dhe Ivica Daçiç.

Hoxhaj: Daçiç, ide antievropiane
Ministri i Punëve të Jashtme të Kosovës, Enver Hoxhaj i ka cilësuar krejtësisht të papranueshme dhe në kundërshtim me vlerat evropiane idetë e kryeministrit serb Ivicia Daçiç, për shkëmbime territoresh në Ballkan.

Thaçi-Westerwelle, optimistë për planin
Pas marrëveshjes vjen zbatimi. Këtë mesazh e ka dhënë të hënën në Prishtinë ministri i Jashtëm i Gjermanisë, Guido Westerwelle. Strukturat paralele serbe të sigurisë që veprojnë në veriun e Kosovës duhet të shpërbëhen, ka thënë kryediplomati gjerman në një konferencë të përbashkët për shtyp me kryeministrin e Kosovës, Hashim Thaçi.

Lajmet kryesore