Gjithçka për turizmin

08:00 Serial "Komploti"

09:00 Lajme e Moti

PUBLICITET

Gjithçka për turizmin
27/06/2012

Stina e verës do të peshojë me tërë forcën e saj mbi shpatullat e Aldo Bumcit, ministër turizmi, që duhet të kujdeset për mbarëvajtjen e fluksit turistik në vend.

Por për realizuar të tëra porositë e kryeministrit Berisha, ministria e turizmit duhet të bashkëpunojë edhe me dikastere te tjera: ministrinë e transporteve, të punëve të brendshme dhe të shëndetësisë. Kryeministri Berisha ishte shumë i qartë në porositë që dha, duke filluar me rregullimin e lëvizjes së kamionëve në tunelin e Ujit të Ftohtë në Vlorë, pikë nevralgjike e Rrugës së Bregut.

“Policia Rrugore, Drejtoria e Rrugëve dhe Ministria e Punëve Publike të përmbushin në kohë çdo detyrim për transportin më të sigurt të turistëve. Zoti ministër, ne zgjeruam e përmirësuam tunelin tek Uji i Ftohtë. Doganat të ofrojnë shërbimet më të mira në pikat e kalimit kufitar. Së bashku me Policinë Kufitare, Ministria e Brendshme të marrë masa për të garantuar në të gjitha skajet e vendit, rregullin dhe rendin më të sigurt. E domosdoshme të shqyrtohet një ripozicionim i postave të policisë. Po marr shembull zonën e Alpeve, ku dikur mbaheshin posta për të mbrojtur kufirin, tani duhet të kemi posta për të ndihmuar turistët, të kemi gjithashtu një ekip të vogël shëndetësor, si dhe njësi policie të pozicionohen në zonat që janë më shumë të populluara, të cilat do t’i përcaktoni vetë. Ministria e Shëndetësisë duhet që, krahas gatishmërisë së njësisë së helikopterëve, detyrimisht duhet të ketë ekipe të ndihmës së shpejtë edhe në skajet më të largëta, ku shkojnë turistë”, tha Berisha.

Kryeministri kërkoi gjithashtu që bashkitë dhe komunat të pastrojnë territorin, në mënyrë që në këtë sezon turistik Shqipëria të paraqitet më e pastër se kurrë. Kryeministri foli për 0 tolerancë ndaj atyre që kryejnë krime ndaj mjedisit. Po ashtu Kryeministri ftoi zyrat e turizmit në rrethe që të bashkëpunojnë me agjensitë turistike. Por ndonëse tha se janë bërë investime të mëdha në infrastrukturën rrugore dhe ujore për turizmin, kryeministri nuk e preku fare çështjen e moratoriumit të skafeve. Pak kohë më parë pushtetarët lokalë të zonave bregdetare dhe liqenore kërkuan shfuqizimin e këtij moratoriumi, që sipas tyre dëmton rëndë turizmin.
/ Top Channel

Facebook

Më shumë nga ekonomia

Interesat e bonove në minimum historik
Interesat e bonove të thesarit kanë cekur një tjetër minimum historik. Në ankandin e fundit të Bankës së Shqipërisë, bonot njëvjeçare, letra me vlerë përmes të cilave Qeveria merr borxh në tregun e brendshëm, u tregtuan me interes 5.9 për qind.

Qeveria anashkalon Parlamentin
Qeveria ka vendosur të anashkalojë Parlamentin në koncesionin e shumëpërfolur për markimin e karburanteve.

58% e biznesit: Klima jo e favorshme
Dhoma amerikane e Tregtisë ka publikuar Indeksin vjetor të Biznesit, përmes të cilit mat perceptimin e anëtarëve të dhomës për klimën e biznesit në Shqipëri. Për 2012-ën ai është 40,48 nga 100, me një tendencë në rënie për këtë vit.

Qeveria shlyen borxhet e “Kurum”
Qeveria ka miratuar një vendim në mbledhjen e radhës, përmes të cilit pranon t’i shlyejë kompanisë “Kurum” 3.4 miliardë lekë detyrime të prapambetura në formën e tatimit mbi vlerën e shtuar.

CEZ nis gjyqin me Shqipërinë
Grupi çek CEZ ka nisur zyrtarisht procedurat ligjore ndaj Qeverisë shqiptare në Gjykatën Ndërkombëtare të Arbitrazhit.Përmes një njoftimi zyrtar CEZ bën të ditur se ka njoftuar Qeverinë mbi vendimin e saj, ku kërkon kompensim për dëmin që i është shkaktuar nga mosmbrojtja e investimit në rrjetin shqiptar të shpërndarjes së energjisë.

Lajmet kryesore