19:30 Lajme e Moti
20:05 Exclusive
Programi i plote
PUBLICITET
Bllokada greke për autobuset
12/06/2012 20:15

Ministria Greke e Transportit u ka hequr të drejtën e lejës së qarkullimit edhe 19 kompanive të tjera të udhëtimeve të destinacioneve të ndryshme midis Shqipërisë dhe Greqisë.

Lajmin e publikoi gazeta e Janinës, “Proinos Logos”, sipas së cilës, në vendimin përkatës që u është dërguar pikave doganore midis dy shteteve, këto kompani nuk kanë dorëzuar në afatin e duhur dokumentat përkatëse.

Një muaj më parë, Ministria Greke e Transportit u kishte çuar një vendim qarkut të Epirit të Veriut dhe atij të Maqedonisë Perëndimore, duke kërkuar që të ndalonin hyrjen e autobusëve të 18 kompanive shqiptare, sepse nuk u përmbahen kushteve të sigurisë teknike të automjeteve, duke vënë në rrezik jetët e pasagjerëve.

Kështu, gjithsej numri i kompanive që ndalohen të hyjnë në vendin helen ka arritur në 37, ndërsa midis tyre vihet re se ka edhe disa kompani greke. Sipas vendimit të fundit, 27 kompani nuk kanë dorëzuar në afat dokumentat përkatësë plotësuese që u janë kërkuar prej organeve greke, ndërsa dhjetë të tjerat kanë paraqitur mungesa të theksuara në dokumentacion.

Data 11 qershor ishte data e fundit për 19 prej tyre në mënyrë që të plotësonin kërkesën për marrjen e lejes së qarkullimit.

Siç dihet tashmë, kompanitë e transporteve të vendeve të treta jashtë BE-së, siç është edhe Shqipëria, duhet të plotësojne një sërë kushtesh teknike për një udhëtim të sigurtë të pasagjerëve për të operuar në Greqi, por gjithashtu duhet të bashkëpunojnë edhe me një subjekt grek të transporteve.

Shpesh hërë, në shtypin vendas mjetet shqiptare janë quajtur edhe si autobusët e vdekjes, ndërsa përfaqësuesit e kompanive të transportit të udhëtarëve me qendër në Janinë, kanë kërkuar prej shtetit grek t’u vendosen shoqerive shqiptare taksa më të larta në shitjen e biletave të tyre, sepse siç theksojnë, u kanë marrë një pjesë të madhe të tregut të pasagjerëve.

Organet greke kanë përforcuar kontrollin dhe kërkesat teknike ndaj mjeteve që hyjnë nga katër doganat me Shqipërine, sidomos pas aksidentit tragjik të Himarës që bëri bujë të madhe edhe në mediat greke. / Top Channel



Facebook


Më shumë nga kronika
Tiranë, adoleshenti humb jetën në pishina
Një adoleshent humbi jetën tek pishinat e kryeqytetit paraditen e së dielës. Policia njofton se është duke pritur rezultatet e mjekoligjorëve për të përcaktuar shkakun e vdekjes së 18-vjeçarit.
Terrorizmi, rrezik mesatar për Shqipërinë
Kompania e sigurimeve “Aon” dhe ndërmarrja për këshillime “The Risk Advisory Group” kanë hetuar 200 vende të botës lidhur me shkallën e rrezikut terrorist që ekziston në to.
Vrasja në Valias, policia: Autor, i biri
Polica e Tiranës ka zbardhur të shtunën ngjarjen e ndodhur mbrëmjen e të premtes në Valias, ku u raportua fillimisht për një 56-vjeçar që ishte vetëvrarë teksa ndodhej në gjendje të dehur.
Vizat, Shqipëria rekord refuzimesh
Pas deklarimit të 3 ditëve më parë nga Durrësi se qeveria shqiptare do të punojë për hequr vizat me SHBA, Top-Channel e pyeti kryeministrin Berisha gjatë konferencës për shtyp në Korçë se si mund të rrealizohet kjo.
Gjirokastër, arrestohet shtetasi me 10 kg marijuanë
Policia kufitare në Gjirokastër arrestoi një shtetas, pasi në automjetin në të cilin ai udhëtonte u zbulua një sasi prej 10 kilogramësh marijuanë.


Top Channel 2001-2013
Ndalohet riprodhimi i paautorizuar i permbajtjes se kesaj faqeje.