15:35 Select
16:28 Permbledhje Ditore BB7
Programi i plote
PUBLICITET
Mitrovicë, shqiptarët heqin barrikadën serbe
13/04/2012

Banorët shqiptarë të fshatrave në veri të Mitrovicës, të mbetur të izoluar nga barrikadat serbe, pas përpjekjeve të dështuara të qeverisë së Kosovës dhe ndërkombëtarëve për t’i zhvendosur ato, janë organizuar e kanë ndërmarrë nisma personale për lirimin e rrugëve.

Pak orë pas zërave të Prishtinës zyrtare se, mund të ketë ndonjë intervenim të njësisë speciale siç ishte ai i 25 korrikut, serbët me anë barrikadave kishin bllokuar rrugët e zonës.
 
Për shqiptarët mungon dora e shtetit të Kosovës, banorët e fshatrave Ceraj, Bistrice dhe Koshtove e Vllahis duket se janë detyruar që situatën ta marrin vete nën kontroll.  Banorët shprehnin hapur ankthin e përditshëm.
 
Mungesa e sigurisë për familjet e tyre, i ka detyruar të bëjnë rolin e ushtarit. Të armatosur deri në dhëmbë ata po sigurojnë familjet.
 
Përveç që kryejnë rolin e ushtarit, banorët e zonës të premten rreth orës 18:00 kryen një mision sa të rrezikshëm aq edhe të rëndësishëm.
 
Mbase e pabesueshme por, në sy të KFOR-it fshatarët hoqën barrikadën me të cilën serbët iu kishin bllokuar rrugën.
 
Ndërkohë, spektatorët e ngjarjes ishin pikërisht paqruajtësitë e KFOR-it, ata që do të duhej të kryenin këtë punë.
 
Deri këtu, misioni përfundoi me sukses mirëpo, vigjilenca e shqiptarëve nëpër malet e Shalës së Bajgores vazhdon edhe në këto caste,  për sa kohë dora e shtetit do të mungojë në këtë pjesë të quajtur Veriu i Kosovës.

Mitrovicë, protestë kundër EULEX-it

Më herët gjatë së premtes të rinjtë kanë protestuar për gjysmë ore para selisë së EULEX-it në Mitrovicë, në shenjë pakënaqësie ndaj punës së këtij misioni.

Ata kanë protestuar me pankarta me mbishkrime shqip e anglisht si “Turp” dhe “Po përkëdhelni kriminelët në veri”.

Musa Damati, kryetar i Këshillit të Veprimit Rinor Lokal ka thënë se EULEX-i me sjellje të njëanshme është duke provokuar haptazi durimin dhe maturinë e qytetarëve të Mitrovicës.

“Ndërsa në veriun e Mitrovicës arrestojnë dhe vrasin policët tanë, rrahin dhe vrasin bashkëqytetarët tanë, misioni i EULEX-it njësitet e veta i aktivizon vetëm atëherë kur
është e nevojshme arrestimi dhe burgosja e ish-ushtarëve të UÇK-së”, ka deklaruar Damati.

“Në qoftë se EULEX-i vazhdon të sillet në këtë formë të njëanshme, atëherë të rinjtë e qytetit të Mitrovicës do të organizohen në mënyrë masive dhe do të radikalizojnë format e ushtrimit të presionit publik mbi këtë mision”, ka theksuar ai.

/ Top Channel



Facebook


Më shumë nga Kosova
Sistemi i drejtësisë në Kosovë
Një sistem i dobët i drejtësisë në Kosovë është në intëres vetëm të skenës politike. Kjo dhe është arsyeja se përse që nga paslufta në Kosovë e deri më tani nuk janë krijuar mekanizma të qëndrueshëm të sistemit të drejtësisë, që duhet të ndëshkojnë çfarëdo shkelje të ligjit.
Gjykata speciale për UÇK-në
Çështja e votimit të Gjykatës Speciale për krime lufte mbetet peng i kthimit të kryeministrit Hashim Thaçi nga vizita në Japoni.
Shtyhet sërish krijimi i FAK
As këtë javë kryesia e Kuvendit të Kosovës nuk mund ta fusë në seancë miratimin e ndryshimeve kushtetuese që do të mundësonin formimin e Forcave të Armatosura të Kosovës.
Punësimi i Dell nga Bechtel rikthen dyshimet
Christopher Dell, diplomati i karrierës i emëruar nga presidenti amerikan, Barack Obama, për të përfaqësuar Shtetet e Bashkuara në Prishtinë, është punësuar nga “Bechtel Corporation”, pasi ndihmoi këtë kompani të fitonte kontratën për të ndërtuar autostradën drejt Shqipërisë.
Komisioni i jashtëm parlamentar në Kosovë
Komisioni parlamentar për politikën e jashtme i Kuvendit të Shqipërisë, kryesuar nga deputetja Arta Dade, po zhvillon një vizitë në Kosovë. Ky komision u prit nga presidentja e Kosovës, Atifete Jahjaga dhe kryeparlamentari Jakup Krasniqi.


Top Channel 2001-2014
Ndalohet riprodhimi i paautorizuar i permbajtjes se kesaj faqeje.