05:02 "Pasdite ne TCH" R
06:20 "Fiks Fare" R
Programi i plote
PUBLICITET
Mitrovicë, shqiptarët heqin barrikadën serbe
13/04/2012

Banorët shqiptarë të fshatrave në veri të Mitrovicës, të mbetur të izoluar nga barrikadat serbe, pas përpjekjeve të dështuara të qeverisë së Kosovës dhe ndërkombëtarëve për t’i zhvendosur ato, janë organizuar e kanë ndërmarrë nisma personale për lirimin e rrugëve.

Pak orë pas zërave të Prishtinës zyrtare se, mund të ketë ndonjë intervenim të njësisë speciale siç ishte ai i 25 korrikut, serbët me anë barrikadave kishin bllokuar rrugët e zonës.
 
Për shqiptarët mungon dora e shtetit të Kosovës, banorët e fshatrave Ceraj, Bistrice dhe Koshtove e Vllahis duket se janë detyruar që situatën ta marrin vete nën kontroll.  Banorët shprehnin hapur ankthin e përditshëm.
 
Mungesa e sigurisë për familjet e tyre, i ka detyruar të bëjnë rolin e ushtarit. Të armatosur deri në dhëmbë ata po sigurojnë familjet.
 
Përveç që kryejnë rolin e ushtarit, banorët e zonës të premten rreth orës 18:00 kryen një mision sa të rrezikshëm aq edhe të rëndësishëm.
 
Mbase e pabesueshme por, në sy të KFOR-it fshatarët hoqën barrikadën me të cilën serbët iu kishin bllokuar rrugën.
 
Ndërkohë, spektatorët e ngjarjes ishin pikërisht paqruajtësitë e KFOR-it, ata që do të duhej të kryenin këtë punë.
 
Deri këtu, misioni përfundoi me sukses mirëpo, vigjilenca e shqiptarëve nëpër malet e Shalës së Bajgores vazhdon edhe në këto caste,  për sa kohë dora e shtetit do të mungojë në këtë pjesë të quajtur Veriu i Kosovës.

Mitrovicë, protestë kundër EULEX-it

Më herët gjatë së premtes të rinjtë kanë protestuar për gjysmë ore para selisë së EULEX-it në Mitrovicë, në shenjë pakënaqësie ndaj punës së këtij misioni.

Ata kanë protestuar me pankarta me mbishkrime shqip e anglisht si “Turp” dhe “Po përkëdhelni kriminelët në veri”.

Musa Damati, kryetar i Këshillit të Veprimit Rinor Lokal ka thënë se EULEX-i me sjellje të njëanshme është duke provokuar haptazi durimin dhe maturinë e qytetarëve të Mitrovicës.

“Ndërsa në veriun e Mitrovicës arrestojnë dhe vrasin policët tanë, rrahin dhe vrasin bashkëqytetarët tanë, misioni i EULEX-it njësitet e veta i aktivizon vetëm atëherë kur
është e nevojshme arrestimi dhe burgosja e ish-ushtarëve të UÇK-së”, ka deklaruar Damati.

“Në qoftë se EULEX-i vazhdon të sillet në këtë formë të njëanshme, atëherë të rinjtë e qytetit të Mitrovicës do të organizohen në mënyrë masive dhe do të radikalizojnë format e ushtrimit të presionit publik mbi këtë mision”, ka theksuar ai.

/ Top Channel



Facebook


Më shumë nga Kosova
“Grupi i Drenicës”, aktakuzë ndaj 2 personave
Një prokuror ndërkombëtar nga Prokuroria Speciale e Kosovës parashtroi një aktakuzë kundër dy të pandehurve në Gjykatën Themelore në Mitrovicë, që lidhet me rastin e ashtuquajtur “Grupi i Drenicës”.
EULEX, Kuvendi voton zgjatjen e mandatit
Kuvendi i Kosovës miratoi të mërkurën në lexim të parë edhe projektligjin për ndryshimin dhe plotësimin e ligjeve që ndërlidhen me mandatin e misionit të Bashkimit Evropian për sundimin e ligjit, EULEX.
Kosovë, protestë e punonjësve të KEDS-it
Qindra punonjës të Korporatës së privatizuar Energjetike të Kosovës kanë protestuar para zyrave qendrore të KEDS-it, duke kërkuar ngritjen e pagave.
Kosovë, dita ndërkombëtare e librit
"Sjell një libër, që ke lexuar, dhe merr një, që të pëlqen". Është kjo, motoja e një prej aktiviteteve që ka shënuar ditën ndërkombëtare të librit në Kosovë.
Kuvendi miraton themelimin e Gjykatës Speciale
Kuvendi i Kosovës ka miratuar themelimin e Gjykatës Speciale për Krimet e Luftës dhe ka vendosur t’i vazhdojë mandatin misionit të EULEX-it edhe për dy vjet të tjera.


Lajmet kryesore

Mitrovicë, shqiptarët heqin barrikadën serbe
Gjin Gjoni mashtroi për pasurinë
Kallëzimi i ILKPD: Mbi 1.8 milionë euro te padeklaruara
Korrupsioni, akuza për Argita Berishën
Thellohet hendeku Qeveri-President
Athina dorëzon zemrën e Karelit
Ambasadorët mbështesin reformën
Llalla: Pajisjet e përgjimit i kemi me qira
Më të lexuarat
Temat e ditës
Ukraina, Lindja e Mesme, Vrasje, Aksidente rrugore, Akuzat për ushtrinë, Siria, Reforma territoriale, Vrasja ne burg, SHISH
Top Channel 2001-2014
Ndalohet riprodhimi i paautorizuar i permbajtjes se kesaj faqeje.