23:05 Koncert "Muza e zeze"
01:00 Lajme e Moti
Programi i plote
PUBLICITET
Protesta e shqiptarëve në Gostivar
01/03/2012

Vrasja e dy të rinjve shqiptarë nga një polic maqedonas, dy ditë më parë në Gostivar, ka shkaktuar revoltë të madhe tek qytetarët. 

Mijëra shqiptarë kanë marrë pjesë në një marsh protestues që ka nis prej para godinës së Gjykatës së Gostivarit dhe ka përfunduar në qendër të qytetit pranë stacionit policor.

Protestuesit kanë kërkuar drejtësi dhe dënim maksimal për policin vrasës. Tubimi ku kanë marrë pjesë mijëra qytetarë ka përfunduar i qetë, ndërsa raportohet se pas protestës, grupe sporadike të protestuesve, kanë thyer xhamat e disa dyqaneve të maqedonasve.

“Qëllimi i këtij marshi protestues është që të senzibilizojmë opinionin si brenda vendit ashtu edhe më gjërë dhe të njoftojmë gjithë botën se çka po u ndodh shqiptarëve në trojet e veta entike. Jemi tubuar këtu, mijëra shqiptarë nga Gostivari dhe vendet tjera, të tregojmë se ne si qytetarë të barabartë të këtij vendi nuk tolerojmë që të vritemi nga dora e gjakësorëve, aq më tepër me armët dhe plumbat që blihen me paratë tona”, deklaroi Armend Sejdini, antar i këshillit që organizoi protestën.

Në të njëjtën kohë, protesta u mbajtën edhe në kryeqytetin Shkup. Ndërkohë, Partia Demokratike Shqiptare, duke reaguar ndaj kësaj ngjarje ka kërkuar ndihmën e Shqipërisë dhe Kosovës për mbrojtjen e shqiptarëve të Maqedonisë.

“Ekzekutimi i dy shqiptarëve nga një polic maqedonas është si rrjedhojë e një politike agresive e nacionaliste, jo vetëm e toleruar dhe ushqyer nga vasaliteti dhe politika nënshtruese e partisë së Ali Ahmetit, e cila burimin e ka që nga enciklopedia, përmendoret e kuajve në Shkup, brohoritjeve ku kërkohet vdekje për shqiptarët, që me kalimin e kohës ky shovinizëm i pa paparë mori karakter institucional.  i bëjmë apel shtetit shqiptar dhe atij të Kosovës që të ndërhyjnë për t’i mbrojtur shqiptarët e Maqedonisë”, u shpreh Gazmend Aliu, deputet i PDSH-së.

Për vrasjen e shqiptarëve në Gostivar është prononcuar edhe Ministja e Brendshme, Gordana Jankulovska, e cila ka thënë se rasti nuk ka prapavijë etnike. / Top Channel







Më shumë nga Maqedonia
“Mbrëmjet strugane të poezisë”
Gjuha shqipe është gjuhë zyrtare në Komunën e Strugës, ku shumicën e popullsisë e përbëjnë shqiptarët, por, siç duket, këto fakte nuk kanë qenë të mjaftueshme për drejtuesit e festivalit ndërkombëtar “Mbrëmjet strugane të poezisë”, për ta përdorur edhe shqipen gjatë këtij manifestimi, krahas maqedonishtes dhe anglishtes.
Shkup, protestuesit, padi ndaj policisë
Këshilli Organizativ i protestave kundër procesit gjyqësor “Monstra” do të padisë policinë, pasi ajo i ka penguar të protestojnë para Qeverisë së Maqedonisë.
Sërish protestë në Shkup
Në Shkup, edhe këtë të premte është protestuar kundër dënimit të 6 shqiptarëve me burgim të përjetshëm, në rastin gjyqësor “Monstra”.
Shkup, shqiptarët sërish në protestë
Në Shkup vijoi sërish protesta e shqiptarëve kundër dënimeve me burgim të përjetshëm të bashkëkombasve të tyre për rastin “Monstra”.
SHBA: Të shqetësuar për Maqedoninë
Në një intervistë për Top Channel, ndihmës/sekretarja amerikane e Shtetit, Viktoria Nuland, u shpreh se Shtetet e Bashkuara janë të shqetësuara për tensionet në rritje në Maqedoni.


Lajmet kryesore

Protesta e shqiptarëve në Gostivar
“Shqipëria, rol kyç në Samitin e Berlinit”
30 vjetori i vizitës së Strauss-it, Singhammer: Jeni faktor i stabilitetit në rajon
PD takon delegacionin gjerman
Ndarja e re nuk do të dekretohet?
Kontrollet në universitetet private
Samiti ballkanik i Gjermanisë
Opozita, brenda dhe jashtë Kuvendit
Më të lexuarat
Temat e ditës
Turizmi, Arsimi, Lindja e Mesme, Ukraina, Reforma territoriale, Siria
Top Channel 2001-2014
Ndalohet riprodhimi i paautorizuar i permbajtjes se kesaj faqeje.