Pasojat e masave të rrepta për Covid-19, Spanja humb gati 900.000 vende pune
02/04/2020 13:35
Zgjerimi i BE-së, miratohet raporti i Parlamentit Europian: Parandalohet bllokimi i disa vendimeve nga vendet anëtare 23/01 16:28
Spanja ka humbur gati 900,000 vende pune që kur u vendosën masat e rrepta kundër koronavirusit, një tjetër shenjë e qartë kjo e pasojave ekonomike që do të jetë sëmundja mbi vendin e dytë më të prekur të Europës.
Shifrat e marsit përbëjnë praktikisht rritjen më të madhe mujore të papunësisë të regjistruar ndonjëherë në vend. Spanja edhe përpara këtij ngërçi shënonte një prej niveleve më të larta të papunësisë në eurozonë. Në vend, që prej mesit të marsit është mbyllur çdo gjë përveç bizneseve të domosdoshme.
E gjithë kjo në kohën kur numri i vdekjeve në vend kapërceu në mbi 10 mijë. 950 prej tyre, u shënuan vetëm gjatë 24 orëve të fundit, një tjetër rekord ditor ky. Rastet e konfirmuara shkojnë në më shumë se 102 mijë. Bilancin më të madh të jetëve të humbura vazhdon ta ketë Italia me 13,155. Ajo ishte vendi i parë perëndimor që vendosi karantintinën, dhe Roma zyrtare e ka paralajmëruar rrezikun e një “recesioni të rëndë”.
Top Channel
