Fansat e kërkuan me këmbëngulje, Luana Vjollca sjell nesër “Pa panik”!

17/03/2020 22:15

Pak ditë më parë, Luana Vjollca nisi në Instagram një sfidë të re, se kush bënte foton më të bukur me arush nga shtëpia, duke u përpjekur kështu t’ia hiqte pak mendjen ndjekësve të saj nga pandemia e koronavirusit.

Madje moderatorja bukuroshe hezitoi për t’a publikuar këngën e saj të re “Pa panik”, titulli i së cilës përkon rastësisht edhe me situatën në të cilën gjendemi, pasi në fakt është realizuar verën e kaluar, ashtu siç edhe ajo bëri me dije në Instastory.

Por fansat e këngëtares e kërkuan me këmbëngulje klipin e ri.

Përmes një postimi në Instagram, Luana i ka dhënë atyre lajmin e mirë. “NESËR 17:00 #PaPanik .. me humb pak mendjen!Faleminderit që e kërkuat kaq shumë publikimin e kësaj kënge,” shkruan ajo.

“Pa panik”, filmuar me telefon celular, pritet të jetë një hit, ashtu si shumica e këngëve të tjera të moderatores dhe autores së “Take Me Out Albania”.

Top Channel