Ish-luftëtari i UÇK-së refuzon ftesën e Speciales: Nuk e njoh këtë gjykatë
25/02/2020 12:44
Numërohen 88% e votave në Maqedoni, kandidatja e VMRO udhëheq me diferencë të thellë. Osmani shkon në 32 mijë vota para Taravarit 24/04 23:18
Një tjetër ish-luftëtar i Ushtrisë Çlirimtare të Kosovës ka pranuar ftesë nga Dhomat e Specializuara në Hagë.
Bëhet fjalë për Faik Zogajn, por që i njëjti ka thënë se nuk do t’i përgjigjet thirrjes së Speciales. Zogaj u shpreh se nuk e njeh këtë gjykatë derisa të dënohen kriminelët që i vranë familjarët.
“Kam pranuar ftesë në cilësinë e të akuzuarit nga Gjykata Speciale në Hagë, të cilës nuk do t’i përgjigjem më datë 21.03.2020 sepse unë personalisht nuk e njoh këtë gjykatë derisa kjo gjykatë t’i dënojë kriminelët që më vranë më të dashurit e mi brenda në shtëpi”, tha ai.
Zogaj shtoi se ndihet i nderuar që ka qenë pjesë e UÇK-së ndërsa theksoi se nuk e heq asnjë shkronjë nga e kaluara e tij.
“Në tërë veprimtarinë time jetësore atdhetare asnjëherë nuk jam ndier më i nderuar dhe respektuar se sa kur isha pjesë e UÇK-së. Asnjë shkronjë nuk e heq nga e kaluara ime në të gjitha periudhat e veprimtarisë sime. Lavdi dëshmorëve të Ushtrisë Çlirimtare të Kosovës!”, përfundoi ai.
Top Channel
