Thaçi flet për rolin e SHBA në Ballkan dhe në procesin e dialogut me Serbinë
24/02/2020 18:01
Stano: Arrestimi i zyrtarëve policorë të Kosovës nga Serbia, shqetësues 19/04 19:57
Presidenti i Republikës së Kosovës, Hashim Thaçi, sot do të ketë një bashkëbisedim me ekspertë të Brookings Institute, një nga “think-tanket” më prestigjioze në Shtetet e Bashkuara të Amerikës.
Presidenti Thaçi do të flasë për të arriturat e Kosovës në 12 vite si shtet, si dhe për mundësitë dhe sfidat në aspiratën për t’u anëtarësuar në NATO dhe BE.
Brookings Institute është ndër think-tanket më me influencë në politikën e SHBA-së.
Presidenti Thaçi do të flasë edhe për rolin e pazëvendësueshëm të Uashingtonit në arritjen e një marrëveshjeje finale të paqes ndërmjet Kosovës dhe Serbisë.
Sipas një komunikate të Presidencës, SHBA-ja përsëri ka marrë rol kryesor në procesin e dialogut dhe kjo shihet nga dy letrat që Presidenti Trump i ka dërguar Presidentit Thaçi, si dhe pas emërimit të ambasadorit Richard Grenell si i Dërguar Special i Presidentit Trump për dialogun në mes të Kosovës dhe Serbisë.
Top Channel
