Respektim i të drejtave të shqiptarëve në Serbi/ Ruçi takim me përfaqësues të komunave të Preshevës dhe Bujanovcit

24/02/2020 14:17

Kryetari i Kuvendit, Gramoz Ruçi priti përfaqësuesin e Komunës së Preshevës, Armend Aliun dhe përfaqësuesin e Komunës së Bujanovcit, Arbër Pajazitin.

Gjatë takimit u bisedua mbi disa çështje aktuale politike të shqiptarëve në Luginën e Preshevës, nevojën e tyre për një platformë politike për unitet në dialogun me qeverinë e Republikës së Serbisë si edhe zgjerimin e bashkëpunimit dhe konsultimit me institucionet e Republikës së Shqipërisë për rritjen dhe konsolidimin e përfaqësimit politik dhe respektimin e të drejtave të shqiptarëve në Serbi.

Kryetari i Kuvendit, Gramoz Ruçi vuri në dukje rëndësinë e unifikimit të qëndrimeve të shqiptarëve që jetojnë në Luginën e Preshevës, i cili u shërben rritjes dhe fuqizimit të përfaqësimit të tyre politik si edhe garantimit dhe zgjerimit të të drejtave të shqiptarëve të Luginës së Preshevës.

Top Channel