I shoqëruar nga forcat e policisë, terroristi Rasul Miklaev la Shqipërinë pas mesnatës së të enjtes.

Fillimisht ai u dorëzua në Komisariatin e Rinasit, ku edhe raportoi gjeneralitetet e tij, një procedurë standarde për këdo që lë Shqipërinë në mënyrë të tillë.

Rasul Miklaev, për disa muaj me radhë u mbajt në qendrën e Kareçit, ndërsa pas hetimeve intensive dhe survejimit nga antiterrori, u zbulua se në fakt nuk bëhej fjalë për një emigrant të paligjshëm, por për një terrorist që kishte qenë pjesë e organizatës terroriste ISIS, madje kishte marrë pjesë edhe në luftimet në Siri.

Gjatë kohës që ai u mbajt në qendrën e Kareçit, Rasul Miklaev, refuzonte të fliste dhe të komunikonte me autoritetet shqiptare. U deshën disa muaj hetime dhe vëzhgime për të kuptuar që në fakt bëhej fjalë për një person të rrezikshëm dhe terrorist i cili kërkonte ta përdorte Shqipërinë si vend tranzit për të shkuar drejt vende të Evropës perëndimore, por edhe për t’i shpëtuar drejtësisë së vendit të tij, Rusisë.

Top Channel