Ambasadori i Gjermanisë në Prishtinë: Kosovën e pret punë e vështirë për t’u anëtarësuar në Këshillin e Evropës në maj 16/04 23:01
Kosova dhe Serbia nuk kanë nënshkruar marrëveshje të përbashkët me kompaninë gjermane të fluturimeve Lufthansa, e cila pritet t’i realizojë fluturimet në linjën e re ajrore Prishtinë – Beograd.
Dyja shtetet kanë nënshkruar marrëveshje të veçanta direkt me kompaninë gjermane me ndërmjetësimin e ambasadorit të SHBA-ve dhe përfaqësuesit të posaçëm për Kosovën, Richard Grenell.
Zyra e Grenell nuk ka pranuar të jap asnjë detaj rreth marrëveshjes.
Të kontaktuar nga Top Channel, ata janë munduar gjithë kohën të heqin përgjegjësinë e tyre për marrëveshjen e nënshkruar.
“Shtetet e Bashkuara nuk janë pjesë e marrëveshjes së aviacionit. Ne vetëm kemi bashkuar të gjitha palët së bashku dhe Ambasadori Grenell ka udhëhequr diskutimet”.
Pikërisht pse jemi palë një palë e tretë e paanshme, është më mirë që për përgjigjet specifike në lidhje me rolin dhe detyrimet e secilit vend, ju lutem kontaktoni qeveritë përkatëse të vendeve.
Kurse, kryeministri në detyrë, Ramush Haradinaj thotë se kjo marrëveshje nuk e kthen prapa Kosovën në sovranitet.
Haradinaj treguar se në letrën e qëllimit të dërguar nga pala kosovare së bashku me NATO-në, nuk do të ketë taksa shtesë për kompaninë dhe do të jetë e barabartë.
Kosovarët dhe serbët ndryshe nga destinacionet e tjera në këtë linjë pritet të udhëtojnë me karta identiteti dhe jo me pasaporta, pasi Serbia nuk i njeh ato./Alberta Hashani/
Top Channel
