Festivali ‘Viva Las Vegas’ celebron stilet klasike të viteve ’50-të në SHBA (fotot) 23/04 19:34
Stuhitë e rërës, reshjet dhe përmbytjet e mëdha kanë goditur qytete të shkatërruara australiane ditët e fundit, duke zvogëluar kërcënimin e zjarreve të shumtë që vazhdojnë të ndizen në të gjithë juglindjen e vendit.
Stuhitë e breshrit në kryeqytetin Kanbera kanë dëmtuar sot disa ndërtesa publike, biznese, shtëpi dhe makina, ndërsa ndërpresin energjinë elektrike në disa periferi duke prerë pemë dhe kolona.
Të paktën dy njerëz u lënduan nga stuhia, thanë zyrtarët e shërbimeve të urgjencës.
Në perëndim, një re e gjerë prej 300 milje pluhur të kuq, e transportuar nga një erë prej 107 kilometrash në orë, përfshiu qytetet e prekura më parë nga thatësira, raporton AP.
Pjesa më e madhe e këtij pluhuri është një shtresë sipërfaqe e ngritur nga fermat e New South Wales.
“E gjitha është për shkak të kësaj thatësie rekord,” tha kryetari i një prej qyteteve të prekur, Ben Shields.
Stuhi të pazakonta intensive gjatë fundjavës shkaktuan përmbytje në Brisbane, Queensland.
Reshjet e përhapura të shiut në New South Wales dhe Victoria ndihmuan, por jo edhe që të shuanin zjarre të mëdha në dy shtetet më të populluara australiane, ku kanë humbur jetën të paktën 28 njerëz që nga shtatori dhe duke u shkatërruar më shumë se 2.600 shtëpi.
Autoritetet kanë lëshuar një paralajmërim se rreziku nga zjarri do të përshkallëzohet në të dy vendet këtë javë me rritjen e temperaturave dhe thatësirës, transmeton KosovaPress.
Top Channel
