Everton fiton derbin dhe nxjerr Liverpoolin nga gara e titullit, United triumf me përmbysje 24/04 23:21
Klubet e kampionatit Italian janë bërë të gjithë bashkë kundër racizmit me një letër të hapur, drejtuar tifozëve. Tifozët kanë thurur kore raciste ndaj shumë lojtarëve për shkak të ngjyrës së lëkurës, të shumtë janë lojtarët që janë prekur duke filluar nga Romelo Lukaku, e duke përfunduar tek Mario Baloteli.
Pas këtyre episodeve, 20 klubet e Serie A janë solidarizuar. Në letrën e firmosur prej tyre theksohet se racizmi është një problem serioz, që nuk është luftuar në mënyrën e duhur dhe se tani dhe në vazhdim nuk do të ketë më qëndrim pasiv nga ta, por reagim të shpejtë për të krijuar një kuadër ligjor që do të pengojë këto shfaqje.
Letra e plotë, e përkthyer në shqip
Ne duam ta pranojmë që kemi një problem serioz me racizmin në stadiumet italiane dhe se ne nuk e kemi luftuar si duhet me vite. Gjithashtu këtë sezon, imazhet e futbollit tonë, në të cilat disa lojtarë kanë qenë viktima të fyerjeve raciste, kanë shkuar nëpër botë duke nxitur debate kudo.
Është një burim zhgënjimi dhe turpi për të gjithë ne. Në futboll, ashtu si në jetë, askush nuk duhet të vuajë më fyerjet raciste. Ne nuk mund të mbetemi pasivë dhe të presim që të gjithë këto të zhduken. Javët e fundit, falë të njëjtave klube, filloi një konfortim konstruktiv me Lega Seria A, FIGC dhe ekspertë ndërkombëtarë se si të merrni dhe të zhdukin këtë problem nga bota e futbollit.
Ne, klubet që nënshkruajmë këtë letër, jemi të bashkuar nga dëshira për ndryshime serioze dhe Seria A League ka deklaruar qëllimin e saj për të udhëhequr këtë rrugë përmes një politike të qëndrueshme dhe të plotë anti-racizmi në Serinë A, me anë të ligjeve të reja dhe rregulla më të rrepta, së bashku me një plan ndërgjegjësimi të synuar për të gjithë ata që janë të përfshirë në këtë sport në lidhje me plagën e racizmit.
Ne nuk kemi më kohë për të humbur. Ne duhet të veprojmë së bashku me shpejtësi dhe vendosmëri dhe do ta bëjmë këtë gjë tani dhe tutje. Tani më shumë se kurrë, kontributi dhe mbështetja e të gjithëve ju tifozëve të klubeve tona dhe futbollit italian do të jetë vendimtare në këtë përpjekje jetike.
Top Channel
