Për Italinë dhe Spanjën, “festival” golash për pretendentë

18/11/2019 22:53

As Spanja dhe as Italia të kualifikuara më parë nuk kishin nevojë për pikë në sfidat eliminatore të Europianit 2020, por kjo nuk i ndali pretendentë për trofeun, që të asfaltojnë kundërshtarët e tyre në ndeshjet e shtëpisë.

Si në Madrid ashtu edhe në Palermo, u panë plot 15 gola që e kthyen epilogun e fushatës, në një festë elektrizuese.

Spanja shkatërroi 5-0 Rumaninë në stadiumin Uanda Metropolitano në kryeqytet në një përballje ku nuk e vendosi asnjëherë në diskutim supremacinë e saj. Ofensiva e iberikëve që në minutat e para u konkretizua me Fabian Ruiz në kohën dhe vendin e duhur ndërsa dy golat e Morenos dhe autogoli i Rus, shkatërruan çdo skemë të rumunëve pa shkuar në pushim. Fraksioni i dytë më i mërzitshëm nuk solli ndryshimin e rezultatit deri në fund, me rrjetën e Ojarzabal.

Mbi 2 mijë kilometra larg, në stadiumin Renxo Barbera Italia abuzoi me një rival të lehtë si Armenia ku priste fitoren por jo me shifrat 9-1. Dopietat e Xaniolo dhe Imobile argëtuan tifozët në impiantin ishullor, po kaq sa golat e tjerë në portën e miqve, me autor Barela, Romanjoli, Zhorginjo, Orsolini dhe Kieza. gëzimi i vetëm për armenët në një nga mbrëmjet më të zymta futbollistike në histori, ishte rrjeta e nderit nga Babajan.

Sfida më e bukur e së hënës dhe ajo më e balancuara ishte në Aviva Stedium mes Irlandës dhe Danimarkës. Vendasit provuan me të gjitha mënyrat për ti marrë vendin e dytë nordikëve që do ti jepte dhe kualifikimin në finalet e Europianit. por danezët rezistuian në një barazim 1-1 që bëri Irlandën të zhgënjejë mijëra njerëz në Dublin. Braithuejt i dha epërsinë miqve para se Doherti të fiksonte barazimin që lë jashtë Europianit Irlandën.

 

Top Channel