Gjermania ngre pensionet në të gjithë vendin me 4.57%, si rrallëherë më shumë se inflacioni (fotot)
24/04 21:45
Ashtu siç kishte kërcënuar, Turqia ka filluar kthimin e xhihadistëve në Evropë. Bëhet fjalë për tetë gjermanë, dy irlandezë, 11 francezë dhe një danez, simpatizantë apo luftëtarë të ISIS.
Ndërkohë që është dëbuar tashmë një luftëtar i Shtetit Islamik, nga Shtetet e Bashkuara të Amerikës. Ishte ministri i Brendshëm turk, Sulejman Sojlu ai që i paralajmëroi dëbimet, ditë më parë.
“Nuk jemi hotel për askënd”, tha javën e kaluar Soylu.
Sipas presidentit turk, Erdogan në burgjet turke ndodhen 1140 përkrahës të ISIS-it. Prej tyre 737 janë qytetarë të huaj. Zyrtarë të presidencës thanë se Turqia është e vendosur ti kthejë ata në vendet e origjinës.
Më 9 tetor Turqia filloi ofensivën kundër forcave kurde të YPG-së në Siri, që ky vend e konsideron si organizatë terroriste. Gjatë ofensivës ushtarake turke, sipas të dhënave të Ankarasë, janë arrestuar 287 përkrahës të ISIS-it, mes tyre gra dhë fëmijë.
Qeveria turke ka kritikuar disa shtete europiane ia kanë hequr nënshtetësinë të dyshuarve të ISIS-it. Kjo është “e papranueshme dhe e papërgjegjshme”, ka thënë ministri i Brendshëm turk, Suleyman Soylu.
Top Channel
