Vlorë/ Kapen 9 kg kanabis, pranga 56-vjeçarit
08/11/2019 09:23
Lumi i Gashti pasuri botërore e mbrojtur nga UNESCO, Rama ndan pamje nga bukuritë e rralla të natyrës plot me turistë
19/04 08:34
Në një banesë në fshatin Drashovicë policia ka sekuestruar 9.3 kg lëndë narkotike, e dyshuar si cannabis sativa.
Policia gjithashtu në lidhje me rastin ka vënë në pranga shtetasin A. I., 56 vjeç.
Njoftim/ Vlorë
Finalizohet operacioni i koduar “Drashovica”.
Sekuestrohet lëndë narkotike në një banesë.
Policia arreston në flagrancë autorin.
Në vijim të punës intensive për parandalimin dhe goditjen e veprimtarisë kriminale në fushën e narkotikëve dhe mbi bazën e informacioneve të mara në rrugë operative se në një banesë në fshatin Drashovicë mund të kishte lëndë narkotike, Policia ka organizuar dhe finalizuar operacionin policor antidrogë të koduar “Drashovica”.
Në kuadër të këtij operacioni, specialistët e Seksionit për Hetimin e Narkotikëve bënë arrestimin në flagrancë të shtetasit A. I., 56 vjeç, banues në Drashovicë, Vlorë.
Nga kontrolli i ushtruar në banesë, Policia gjeti dhe sekuestroi 9.3 kg lëndë narkotike, e dyshuar si cannabis sativa.
Materialet iu referuan Prokurorisë, në ngarkim të tij, për veprën penale “Prodhimi dhe shitja e narkotikëve”.
Top Channel
