Bylis, surpriza e superligës/ Ballshiotët dalin të dytët në renditje para Tiranës dhe Kukësit

08/11/2019 19:52

Renditen të dytët në kategorinë superiore me vetëm një pikë më pak se Partizani kryesues. Skuadra e Bylisit është më shumë se një histori suksesi, duke qenë se veç rezultateve të rëndësishme që e kanë shoqëruar, di gjithashtu të dhurojë emocione dhe futboll interesant për ndjekësit e saj ndaj kanë fituar vëmendjen e të gjithëve.

Trajneri Dovedan nuk nguron të pranojë hapur që është befasuar nga kushtet e punës dhe gjithçka tjetër gjeti tek Bylis. Në të njëjtën linjë qëndron dhe portieri Isli Hidi i cili ishte afrimi më i bujshëm i këtij sezoni tek skuadra ballshiote.

Isli Hidi Portier i KF Bylis:

‘’ Kisha shumë kohë që nuk vija në Ballsh dhe të them të drejtën u surprizova nga kushtet, ambienti këtu është shumë I mirë. Kompleksi na jep mundësi të punojmë edhe me mirë. E rëndësishme është të arrijmë rezultate pozitive dhe të grumbullojmë sa më shumë pikë’’.

Veljko Dovedan Trajner i KF Bylis:

‘’ Sigurisht që kur ke një kompleks ne dispozicion puna bëhet më e lehte. Nuk e prisja të kisha këto kushte dhe kjo më ndihmon jo pak. Jo vetëm kompleksi por edhe stadiumi është mjaft i mirë, duke i bashkangjitur mbështetjen e tifozëve bëhet akoma dhe më bukur.’’

Për tifozët skuadra e futbollit nuk është vetëm një zgjedhje  e mirë për tu argëtuar në fundjavë, por një mënyrë jetese. Nga më të rinjtë e deri tek të moshuarit, Bylis mbetet motiv krenarie.

Petrit Zotaj Tifoz i KF Bylis:

‘’Populli këtu ushqehet me futboll dhe Ballshi është një nga vendet me futbolldashës. Këtu kushtet janë mjaft të mira dhe futbollistët janë të rinjë ndërsa trajneri ka ditur të punojë me ta. Kemi një skuadër që nuk I mungon asgjë për të arritur sa me lartë’’.

Anteo Shehaj Tifoz i KF Bylis:

‘’Unë e ndjek skuadrën ne stadium kur luajnë ne Ballsh dhe në stërvitje. Kompleksi ku punojnë është shumë i mirë dhe mendoj që i plotëson kushtet qe skuadra ta ketë edhe më të lehtë punën’’.

Top Channel