Ministria e Financave mund të ndryshojë sërish buxhetin e shtetit për t’u dhënë pensionistëve dhe familjeve në nevojë shpërblimin e fundvitit.

Qeveria po përballet me një situatë të shtrënguar financiare për shkak të ngadalësimit të ekonomisë por edhe informalitetit, të cilin synon ta ulë me reformën e re të fiskalizimit.

Sistemi i ri elektronik hyn në fuqi në 1 janar, por qeveria do u lërë kohë bizneseve që të përshtaten.

Paralelisht Ministria e Financave është duke përgatitur edhe paketën e re fiskale, e cila do të ulë në 5 për qind tatim fitimin për kompanitë që investojnë në industrinë e automoboliave.

Renditja e Shqipërisë në klimën botërore të biznesit u përkeqësua me 19 vende. Banka botërore publikoi raportin e përvitshëm “doing biznes” duke e klasifikuar ekonominë shqiptare të 82-ën nga vendi i 63-të që ishte një vit më parë.

Por sipas qeverisë ky përkeqësim ka ardhur nga ndryshimi i metodologjisë së raportit.

Sipas Bankës Botërore ivetmi tregues ku shqipëria ka bërë përmirësim të ndjeshëm gjatë vitit të kaluar është furnizimi me energji duke rritur sigurinë dhe ulur ndërperjet.

Ndërsa në treguesit e tjerë reformat kanë mbetur në vend duke bërë që Shqipëria të kalohet nga vendet e tjera në renditje.

Klodian Tomorri

Top Channel