Mashtrojnë qytetarët për vende pune në BE, policia arreston dy persona
23/10/2019 16:17
Zbardhet djegia e tre automjeteve në Shkodër para dy viteve, arrestohet autori me tre mbiemra 20/04 10:23
Policia e Kosovës, pas një pune hetimore dhe veprimeve të avancuara operative – taktike, ka arrestuar dy shtetas të Kosovës të dyshuar për mashtrim.
A. E. (24) dhe K. G. (25), të arrestuar më 22 dhe 23 tetor, dyshohet se kanë marrë nga persona të tjerë kopje dokumentesh, të dhëna personale, duke u premtuar, se do t’ua rregullojnë vizat e punës për BE dhe të njëjtit me të dhënat e tyre kanë aplikuar për kredi online, duke përfituar shuma të ndryshme të parave.
Mbështetur në rezultatet e para të hetimit është ngritur dyshimi i arsyeshëm se ky mashtrim ka ndodhur në vazhdimësi, për një periudhë të gjatë kohore dhe dyshohet se numri i personave të mashtruar arrin mbi 20 qytetarë të ndryshëm.
Policia kërkon nga qytetarët që mund të kenë qenë viktimë e rasteve të tilla, të lajmërohen në stacionin më të afërt policor, për ta mundësuar dokumentimin e plotë të veprimeve të kundërligjshme të këtyre personave.
Personat e arrestuar janë dërguar në qendrën rajonale të paraburgimit në Prishtinë, ku aktualisht hetuesit po kryejnë të gjitha veprimet e nevojshme hetimore e procedurale, para se rasti të dërgohet në institucionet kompetente.
Top Channel
