Ngrihet aktakuzë ndaj personit që e fotografoi dhe e postoi votën në “Facebook”

22/10/2019 15:06

Prokuroria Themelore në Prizren ka ngritur aktakuzë kundër F.S., për shkak se dyshohet se ka kryer veprën penale “Cenimi i fshehtësisë së votimit”.

Sipas aktakuzës, i pandehuri F.S., ditën e zgjedhjeve, në fshatin Sllapuzhan të Komunës së Suharekës, në vendvotimin e objektit shkollor “Xhavit Sylaj” cenon fshehtësinë e votimit të zgjedhjeve për deputet të Parlamentit të Kosovës, në atë mënyrë që pasi voton, fletëvotimin përmes telefonit celular “iPhone XR” e fotografon dhe pastaj e poston në rrjetin social “Facebook” si dhe në portalin “Suhareka online”.

Me këto veprime, ekziston dyshimi i bazuar mirë se i pandehuri F.S., ka përmbushur elementet e veprës penale “Cenimi i fshehtësisë së votimit” sipas KPRK-së.

Prokurori i çështjes me rastin e ngritjes së aktakuzës, i ka propozuar Gjykatës që i pandehuri të shpallet fajtor dhe të dënohet sipas ligjit, për veprën penale e cila i vihet në barrë.

Top Channel