Çahet tubacioni i gazit në fshatrat e Mallakastrës

14/10/2019 15:21

Gazi që çlirohet në hapësirë rrezikon seriozisht jetën e banorëve të fshatit Lalar në Mallakastër.

Ky është magjistrali 8 polësh që transporton gazin nga fusha naftëmbajtëse në uzinën e Ballshit.

Ai ka rreth dy muaj që është çarë, ndërsa në dy javët e fundit, ndotja e ajrit është bërë e papërballueshme.

Banorët thonë se kanë probleme në aparatin e frymëmarrjes.

Dy kompanitë përgjegjëse që transportojnë gaz në këtë magjistral, janë Alba Gaz në masën 90 për qind dhe Albpetrol 10 për qind.

Përfaqësues të shoqatave ambientaliste i kanë kërkuar dy kompanive ndërhyrje të menjëhershme për mbylljen e rrjedhjes së gazit.

Sipas specialistëve ndotja nga gazi dëmton jo vetëm banorët që ndodhen aty pranë, por të gjithë zonën me rreze deri në 3 kilometra.

Top Channel