Një trup qiellor me shpejtësi shumë të madhe, i cili është nisur nga një tjetër sistem yjor, është duke udhëtuar drejt sistemit tonë dhekëtë tetor pritet të kalojë shumë pranë planetit Mars.

Ky do të ishte i dyti trup qiellor që ka hyrë në sistemin diellor gjatë kohës që është vëzhguar nga njerëzimi.

E para ishte Umuamua, e cila kaloi në vitin 2017, dhe që shkencëtarët e Harvardit thanë se mund të ishte dhe anije kozmike aliene, për shkak të formës në formë cigareje.

Megjithatë, kur Umuamua kaloi pranë tokës, nuk u diktua asnjë shenjë jete aliene prej saj.

Shkencëtarët gjermanë tani besojnë se objekti i radhës, i cili u diktua më 30 gusht nga astronomi amator ukrainas, Genadi Borisov, është një tjetër mundësi që mund të jetë një mënyrë kontakti.

Shkencëtarët thonë se ndryshe nga Umuamua, i cili i befasoi të gjithë, ky është vëzhguar shumë më herët dhe do të mbahet nën vëzhgim për më gjatë.

FOTO GALERI
2/4
Teoria bazohet te fakti që objekti ka shtuar shpejtësinë, nuk e ka pasur të qëndrueshme. Energjia që e vë në lëvizje ndoshta merret nga dielli. Objekte që shtojnë shpejtësinë janë edhe kometat, por Umuamua nuk kishte bisht si gjithë kometat e tjera.

Top Channel