Për Sabianin showbizi-i shqiptar mbetet bordello dhe kësaj radhe s’ka lidhje aspak me klipin!

12/09/2019 20:08

Mjaftoi titulli “Big Bordello” që Sabiani përdori fillimisht për klipin e tij të fundit dhe i gjithë rrjeti u bë “lëmsh”.

I ftuar në “Ftesë në 5” me Bieta Sulon, Sabiani tregoi se ishin pikërisht paragjykimet e njerëzve që nxituan të ndikoheshin vetëm nga titulli, pa kuptuar fabulën e klipit, ato që e detyruan ta ndërronte titullin në “Showbiz 2”, titull ky që ndryshe nga i pari, tërhoqi menjëherë vëmendjen e portaleve dhe solli më shumë klikime.

Megjithatë, përpos historisë dhe lajmeve të bujshme që kanë qarkulluar së fundmi për shkak të titullit të klipit, këngëtari i mëshoi faktit se showbizi dhe skena shqiptare janë shndërruar me të vërtëtë në bordello, ku paraja është qendra e gjithçkaje.

“Tregu muzikor njëherë është bordello. Është bërë një rrëmujë, një gjë e zymtë që as vetë nuk po e kuptoj. Shpirti shitet me lekë, çdo gjë është kundrejt parasë. Nuk jam kundra që çdo gjë të blihet me lekë, por jo deri të shpirti!”, tha ai.

Sa i përket planeve të afërta në muzikë, Sabiani tregoi se është duke punuar për një baladë, që pritet të lançohet brenda 20 ditëve.

Top Channel