Pas deklaratës së Edi Ramës në lidhje me dokumentarin e televizionit Rai3, që tregonte për trafikun e drogës në Shqipëri drejt vendeve të tjera, për të cilin kryeministri tha se është e kotë të harxhosh kohë me shumëçka që sot serviret si gazetari, ka reaguar sekretari i përgjithshëm i Partisë Demokratike, Gazment Bardhi.

Përmes dy postimeve të njëpasnjëshme në llogarinë e tij në Twitter, Bardhi iu kundërpërgjigj Ramës duke thënë se faktet e partnerëve italianë janë të pakundërshtueshme

“Rai 3 ne listen e armiqve te jashtem te Edi Rames dhe Sander Lleshajt, bashke me Zerin e Amerikes dhe Bildin. Prokurori i Antimafias Italiane nuk eshte “llafe ne ere”. Karabinieria italiane nuk eshte “llafe ne ere”. Faktet e partnereve jane te pakundershtueshme!”

Më tej, Bardhi shtoi:

“Ne Shqiperi eshte mbjelle 5 here me shume kanabis se vjet. Shqiperia baze per kokainen kolumbiane dhe heroinen afgane. Krimi i organizuar ka mbeshtetje ne te gjitha nivelet e qeverise. Shqiperia nen drejtimin e Edi Rames eshte kthyer ne parajsen e krimit e organizuar.”

Top Channel