Trump: Nuk jam racist/ I përgjigjet sulmeve pas kritikave për 4 kongresmenët me ngjyrë

16/07/2019 21:13

Nuk jam racist!!! Presidenti Donald Trump i është kundërpërgjigjur valës së reagimeve që shpërtheu pas sulmit që ai i bëri në twitter katër anëtarëve me ngjyrë të kongresit amerikan.

Shefi i shtëpisë së bardhë përdori të njëjtën platformë sociale për t’iu kundërvënë kritikëve, dhe shkroi: “ato mesazhe nuk ishin raciste. Nuk kam asnjë kockë raciste në trupin tim“!! Dhoma e Përfaqësuesve e udhëhequr nga demokratët pergatitet te një rezolutë që “dënon komentet raciste të Presidentit“.

Lideri i shumicës demokrate, Steny Hoyer tha se shpreson që republikanët do të vënë “vendin mbi partinë” dhe do të votojnë përkrah demokratëve për të mbështetur rezolutën. Trump i sulmoi ligjëvënset Ilhan Omar, Alexandria Ocasio-Cortez, Ayana Pressley dhe Rashida Tlaib duke thënë se kanë nxjerrë nga goja ca nga komentet më të ulëta, më të pështira, më të mbushura me urrejtje që mund të ketë thënë ndonjëherë një politikan në Dhomën e Përfaqësuesve dhe Senat. megjithatë, tha ai, u hapet rruga dhe Partia Demokrate i përqafon,” shkruante presidenti në Tëitter.

“Komente të tmerrshme kundër Izraelit, kundër Amerikës, pro-terroristëve dhe fjalë të ndyra në publik, ndër shumë gjëra tronditëse. Por demokratët e tmerruar ia mbathin nga frika,” shkruante ai, ndersa shtonte: “nëse nuk u pëlqen ketu, le të largohen“.

Dy prej ligjvënëseve, Omar dhe Tlaib, të cilat janë gratë e para myslimane të zgjedhura në Kongres, bënë hapur thirrje për hapjen e procesit për shkarkimin e presidentit.

Top Channel