Patozi në Top Talk: Në zgjedhje humbi Bindja Demokratike, por fitoi Shqipëria
02/07/2019 16:36
“Ishte amanet i djalit”, pse e rrëmbyen gjyshërit nipin në Durrës? Nusja donte të… 18/04 11:50
Kemi lënë tashmë pas 30 qershorin me një rezultat aspak befasues ku ashtu sikurse pritej PS mori një fitore në terma absolut pasi në gjysmën e Bashkive të vendit nuk kishte rivalë, ndërsa në pjesën tjetër u përball me kandidatë të Bindjes Demokratike.
Koordinatori i kësaj force të re politike, Astrit Patozi ka qenë sot në Top Talk për të diskutuar pikërisht mbi zgjedhjet, por edhe aktualitetin politik të lidhur me to.
Ai theksoi se pavarësisht rezultatit për forcën e tij politike nga këto zgjedhje ajo që fitoi ishte Shqipëria.
“Mendonim se mund të kishim zgjedhje më të mira, por në kushtet e krijuara, sidomos pas zhdekretimit të zgjedhjeve, klima u zhvillua në një tension shumë të madh mes palëve ndërluftuesve dhe vëmendja për BD ra. Ra, sepse askush nuk dëgjoi më për alternativa, për diçka të re, apo program kandidatësh. Gjithçka u përjetua si një betejë për jetë a vdekje, mes atyre që dëshironin zgjedhje dhe atyre që donin të mos kishte zgjedhje. Ajo që mund të them është se ne, mund të jemi të pakënaqur me rezultatin, sepse mendonim më shumë, por jam i bindur që Shqipëria fitoi nga këto zgjedhje. Humbja e BD është fare e vogël me produktin e Shqipërisë dhe jo e atyre që brohorasin për fitore”, u shpreh Patozi.
Më tej ai nënvizoi se e rëndësishme është që më 30 qershor u evitua një përplasje me njerëzve.
Top Channel
