Kupola e PS në përgjimet e “Bild”
20/06/2019 03:47
“Ndihmë! O gangster, drogaxhi…” Sherri i bujshëm mes këngëtares Maya dhe bashkëshortit: Palaço grua, e çmendur psikike, mos shqyej…
25/04 14:00
Gazeta gjermane Bild ka publikuar mbrëmjen e se mërkurës 10 përgjime të reja, megjithëse gazetari i saj Peter Tiede kishte paralajmëruar se do të publikoheshin mëngjesin e së enjtes.
Në rreth 13 minuta përgjime të zbardhura, dëgjohen të flasin aktorë të ndryshëm politik, por edhe persona të tjerë. Bisedat telefonike lidhen me zhvillimin e zgjedhjeve në qarkun e Dibrës.
Në një nga përgjimet Damian Gjiknuri dëgjohet të bisedojë me Shefin e Policisë Dibër, Rober Aga për rezultatin e zgjedhjeve.
Në një tjetër përgjim, ish Ministri i Brendshëm Sajmir Hahiri bisedon me shefin e policisë Dibër, Robert Agën, të cilin e falenderon për angazhimin e tij.
Deputeti Xhemal Qefa thotë shefit të policisë Dibër, se po mendojnë një post më të mirë se zhvendosja e tij në Bulqizë.
Krahas përgjimeve të aktorëve politike, në bisedë është përfshirë Ymer Lala dhe nipi i tij, që bisedojnë rreth një video denocuese për blerjen e votave të cilën e ka transmetuar emisioni Fiks fare në Top Channel.
Ymer Lala, nër përgjimet dëgjohet të komikojnë me një person të panjohur, që sipas Bild, grupet kriminale kanë mbledhur kartat e identitetit kundrejt pagesës me qëllim parandalimin e opozitës që të votojë.
Ymer Lala, dëgjohet gjithastu të bisedojë edhe më një tjetër person të panjohur ku shpreh shqetësimin se një familje ka votuar për kandidatin e opozitës Sheferedin Shehu.
Top Channel
