Jo vetëm detin, kryeqytetasit zgjedhin Dajtin për fundjavë
16/06/2019 19:45
Dorëzimi i 3-vjeçarit të zhdukur, policia zbulon detajet: Deri më tani janë arrestuar… 20/04 14:07
Pushimi i fundjavës në këto ditë të nxehta vere i drejton njerëzit jo vetëm drejt bregdetit. Zgjedhja e kryeqytetasve është dhe Parku Kombëtar i Dajtit.
Freski, larg zhurmës por pa lënë pas dhe aventurën.
“Mua më pëlqen më shumë të pushoj në mal, sepse ka freski ngaqë tani është shumë vapë. Erdha për të bërë këto 4 sfidat dhe i mbarova me sukses”- thotë një pushues.
“Mendoj se mali është më mirë për të pushuar se është freski për temperaturat e larta, plus që edhe i largohesh asaj zhurmës së njerëzve”- thotë një tjetër pushues.
Për të huajt, gjithashtu, parqet janë vendet e duhura për të larguar lodhjen e javës.
“Është vërtet shumë mirë. Në fillim ajo rruga mes pemëve për të ardhur në Parkun e Aventurave, dhe ja ku jam tani rrethuar me njerëz të bukur që të mësojnë se si të luash dhe po do veçoja këtë këtu, pak e rrezikshme por shumë e bukur”- thotë një turist Indian.
Pikniku është mënyra më e mirë për disa pushues për të kaluar kohën e lirë. Jo në restorante, po duke shijuar ushqimin e gatuar vetë prej tyre në natyrë.
Një mundësi tjetër që u ofrohet njerëzve që zgjedhin për të pushuar në Malin e Dajtit është edhe shëtitja me kuaj.
Top Channel
