“Shoqen tonë e bëmë ministre dhe nuk erdhi as në mbledhje, do ta bëj të skuqet”, kush është ish-ministrja që nuk iu përgjigj Metës në telefon 19/04 23:04
Me tavolinën e re elektrike të sërfit nuk ke nevojë për dallgë. Christophe Defrance, pronar i tavolinës “Redwood”, një biznes i vogël në Perpignan, po bën një provë përfundimtare në det para se të hedhë në treg shpikjen e tij muajin e ardhshëm.
Tavolina elektrike e sërfit ngrihet mbi ujë falë një hidrofoili, një krahu që zhytet nën ujë në fund të një timoni, që e lejon tavolinën të qëndrojë mbi ujë dhe përdor elektricitetin në vend të fuqisë së dallgës për të ecur përpara.
“Avantazhi është që ajo konsumon shumë pak energji krahasuar me motorizimin konvencional, e më pas ky dimension i tretë që ne nuk e shohim në sporte të tjera. Ne mund të shohim diçka të ngjashme te sërfi me balonë, sërfi me erë apo thjesht sërfi, por tani ne kemi një motor elektrik që na jep liri totale për të shkuar atje ku duam”, tha Christophe Defrance.
Mbi një tavolinë sërfi duket sikur ecën mbi ujë, por me këtë shpikje të re duket sikur fluturon mbi ujë, pa as më të voglën zhurmë. Është një ndjesi krejt e re, që Defrance shpreson se do të ngjallë shumë interes.
Mbi motor mund të vendosësh tavolina të përmasave të ndryshme, e mund të marrësh mbi të edhe fëmijët, nëse do. Përveç të tjerash, tavolina është edhe e sigurtë, sepse ka një qark të shkurtër. Në momentin që nuk ka asnjë njeri mbi tavolinë, ajo ndalon menjëherë duke evituar aksidente të mundshme.
Top Channel
