“Debat i madh në mbarë botën”, Duma për surrogacinë: Shtetet vënë në balancë përfitimin nga evolucioni mjekësor dhe mbajtjen e disa vlerave tradicionale konservatore
24/04 23:47
Kryetari i PD, Lulzim Basha, zbuloi sot për herë të parë një nga pikat kryesore të programit të PD për shëndetësinë. I ftuar në konferencën “Sistemet shëndetësore, vizione dhe sfida”, e organizuar nga Fondacioni “Konrad Adenauer”, zoti Basha theksoi se investimi në burimet njerëzore në shëndetësi është prioritet absolut i hapave emergjentë, që do të ndërmarrë PD sapo të ketë votëbesimin për të qeverisur vendin.
“Pa një ndryshim themelor të politikës së pagave nuk do të sjellim dot asnjë sprapsje të zbrazjes së sistemit shëndetësor dhe spitaleve tona nga mjekët, të largimit të studentëve të mjekësisë drejt Gjermanisë dhe vendeve të tjera të BE, të kolapsit të shërbimit të infermierisë” – u shpreh Kryetari i Partisë Demokratike.
Për këtë arsye, pjesë kyçe e programit të PD është rritja e ndjeshme e pagave në sistemin e shëndetësisë. “Dua të deklaroj sot nga kjo konferencë vendimin dhe synimin e Partisë Demokratike që brenda 4 vjeçarit të parë të qeverisjes tonë paga minimale për mjekët të arrijnë në 1200 euro në muaj dhe paga minimale për infermierët të arrijë 700 euro në muaj.“- tha Basha.
Duke vënë në dukje treguesit nga KLSH se, vetëm në 1 vit, korrupsioni zhduk 1.7 miliardë euro, Kryetari I PD, Lulzim Basha, tha se ka vullnetin e plotë politik për t’i dhënë fund politikave korruptive me PPP-të dhe për t’i orientuar fondet drejt sektorëve prioritarë, siç është sektori i shëndetësisë.
Pjesë e alternativës së PD për investimin tek burimet njerëzore është edhe rritja e ndjeshme e numrit të studentëve që diplomohen në Mjekësi, duke i kushtuar vëmendje rritjes së numrit të specializimeve dhe kualifikimeve, ngritjeve profesionale të pandërprerë, trajnimeve dhe garantimit të kushteve të punës.
Top Channel
