“Top Story”, kompania pirate “ANFAB” ushtron aktivitet të paligjshëm në Korçë

Top Story/ Kompania pirate “ANFAB” që ushtron aktivitetin e paligjshëm në KorçëTop Story udhëtoj në fshatin Podgorie të rrethit të Korçës. Këtu është edhe qendra prej nga shpërndan sinjalin kabllori piratues “ANFAB”. Ai është i shtrirë në disa fshatëra të tjerë që i përmbledh njësia administrative Vreshtas. Hapi i parë që Top Story nbën në këtë rast është që verifikoi kanalet televizive që kabllori i këtij fshati transmeton. Siç e shikoni në ekran shfaqen Top Channel, Top News, Klan, Klan Plus, News24, Filma Aksion, My Music dhe shumë kanale të tjerë. Transmetimin e këtyre kanaleve nga subjekte të dyta, e autorizon vetëm DIGITALB. Por ky i fundit nuk ka bërë asnjë kontratë me kabllorin ANFAB. Pra, një kompani pirate që vjedh Digitalb si dhe qytetarët. Top Story arriti të gjejë edhe serverin e këtij kabllori dhe të futet brenda tij. Ajo që bëri përshtypje, ishte vendi ku ishin vendosur paisjet. Antenat ndodheshin në oborrin e një vile. Ndërkohë pajisjet elektronike ishin brenda një kasolle të vogël. Aty Top Story gjen edhe kontratën me të cilën kabllori “ANFAB” operonte. Siç e shikoni ajo është një kontratë me platformën televizive TRING. Në listën e kanaleve të parashikuara në kontratë nuk ndodhet asnjë prej kanaleve që ne përmendëm më sipër. Megjithatë brenda serverit Top Story gjen edhe një dekoder të kompanisë DIGITALB. Dekoderi përdorej si marrës për kanalet e piratuara. Më pas server i shpërndan ato me kabëll tek abonentët. Administratori i këtij subjekti, Sevi Mediu, i kontaktuar në telefon, u shpreh se ndodhej në një udhëtim të largët dhe nuk mund të prononconte për një intervistë.

Posted by Top Story në Top Channel on Wednesday, April 10, 2019