Lulzim Basha e nisi javën duke u kërkuar llogari ish-deputetëve dhe anëtarëve të Kryesisë për protestat e organizuara nga opozita.
Kryedemokrati nuk i ka kursyer kritikat për prezencë të pakët dhe jo aktive në terren me qytetarët të zyrtarëve demokratë.
“Takime intensive me qytetarët dhe jo takime kafeneve me njëri-tjetrin”, citohet të ketë thënë Basha në mbledhjen me dyer të mbyllura.
Kryedemokrati nuk mundi të ishte në protestën e fundit për shkak të angazhimit në takime ndërkombëtare në Bruksel, por nga vërejtjet e tij la të kuptohet se nuk ishte i kënaqur me punën e Kryesisë së partisë.
Protesta e radhës së opozitës është të enjten para Parlamentit, ndërsa protesta e tretë kombëtare është lajmëruar pasditen e 13 prillit para Kryeministrisë.
Krahas kryeqytetit, kryedemokrati Basha kërkoi që protestat të shtrihen në çdo rreth, sipas problematikave të qytetarëve.
Takimet për organizimin e protestave me shumë gjasë do të marrin ngjyrimet e fushatës elektorale pas porosisë së zotit Basha se strukturat e Partisë Demokratike të jenë gati për zgjedhje të parakohshme në çdo rast.
Top Channel
