Situata e krijuar në Shqipëri sollën sërish një grup xhirimi të TG2 të cilët kanë bërë edhe një reportazh për trafikun e armëve dhe drogës pjesë e rubrikës “Dossier” në Raidue. Reportazhi “Shqipëria, rajoni i 21-të i Italisë” është realizuar nga gazetari Leonardo Zelino.
Reportazhi nis me Iglin nga Shijaku, një person që flet me shpinë dhe tregon një kallashnikov dhe një sasi droge, të cilat trafikohen më pas drejt Italisë.
Reportazhi bën më pas një histori të shkurtër të Shqipërisë, që pas rënies së regjimit komunizmit nisi të çonte emigrantë në brigjet italiane përmes Adriatikut, për tu kthyer më në rrugë trafiqesh, që nis me cigaret dhe vazhdon me trafikun e drogës.
“Nëse kontrabanda mori një goditje të fortë në vitet 2000, trafiku i drogës nuk është ndalur asnjëherë madje Adriatiku është bërë autostrada e trafikantëve. Sipas raportit të Europol 2017, Shqipëria është laboratori kryesor për kultivimin dhe trafikimin e marijuanës. Për kontinentin e vjetër ajo është një lloj Kolumbie e drogës”,- citohet në reportazhin e Rai2.
Në luftë me kanabisin përmendet operacioni i ndërhyrjes së policisë në Lazarat, gjë e cila ndonëse e largoi që aty, bëri që kultivimi të përhapjen në gjithë territorin e vendit. Për rezultatet e arritura ka folur edhe Drejtori i Përgjithshëm i Policisë së Shtetit, Ardi Veliu sipas të cilit shifrat e 2018-ës janë më të mirat e 30 viteve të fundit.
Më pas gazetari italian i ka shkuar në zyrë ish-kryeministrit Sali Berisha. “Importi i bananeve është dhjetëfishuar. Brenda kontenierëve të bananeve ose ka banane, ose ka diçka tjetër” – thotë Berisha.
Ndërkohë citohen edhe autoritetet italiane të cilat thonë se shqiptarët kanë marrë lidershipin e drogërave të forta në Europë.
Më pas gazetarët rikthehen në Shijak, zonën që e konsiderojnë se vendin e “Avdylajve: një grup kriminal që u godit pak pas zgjedhjeve të 2017-ës. Dossier nxjerr në pah edhe përgjimet e prokurorisë për vëllezërit Avdylaj që telefonohen nga kryebashkiaku i Durrësit, Vangjush Dako për ta falënderuar për votat e mbledhura në zgjedhje.
“Zgjedhjet u blenë. Raporti i ministrave teknikë përpara zgjedhjeve të fundit, thonë këtë gjë. Tani ka prova të prokurorisë që këtë e bëri qeveria e Partisë Socialiste me bashkëpunimin me bandat kriminale. Nuk mund të ketë stabilitet pa demokraci dhe shtet të së drejtës” – thotë Lulzim Basha.
“Blerja e votës. Po ka ekzistuar ashtu siç ka në Itali, apo në vende të tjera, por që blerja e votës të vendosë zgjedhjet, kjo nuk ekziston” – thotë Rama.
http://www.tg2.rai.it/dl/tg2/rubriche/PublishingBlock-8f49a286-7527-4264-9979-72b4aca618d8.html
Top Channel
