I njihni këto personazhe? Nëse nuk i njihni, nuk keni faj pasi këto skulptura që janë të disa prej figurave më të njohura të botës nuk janë bërë edhe aq mirë.

Punimet ndodhen në një park prej 20 hektarësh të një spitali psikiatrik në Korenë e Jugut dhe janë pronë e Chung Guen-hee. Për 20 vite me radhë, ai i porosit skulpturat nga një shkollë artistike që ka në pronësi në Kinë.

Më pas, i merr për t’i vendosur në kopshtin e madh të spitalit psikiatrik që po ashtu e ka pronë të vetën.

“Në asnjë vend tjetër të botës nuk i gjen gjithë këto personazhe në të njëjtin vend. E nisa këtë gjë për të kënaqur pacientët dhe të afërmit e tyre, por pak nga pak parku nisi të tërhiqte fëmijë dhe turistë”, thotë koreani për “Wall Street Journal”.

Secila skulpturë ka një kosto prej 10 000 dollarësh (bashkë me transportin) dhe Chung Guen-hee thotë se zotëron 6000 të tilla.

FOTO GALERI
2/7

Top Channel