Fustani seksi i Kim Kardashian, vetëm 50 dollarë?! Ja si qëndron e vërteta

13/03/2019 18:30

Katerina Zoto, Jana Hyka, Alis Muça e Olesia Leço ishin të ftuarat e Bieta Sulos në “Ftesë në Pesë”, për të komentuar trendet më të fundit që kanë pushtuar vëmendjen e rrjeteve sociale, duke u ndalur edhe te fustani i bujshëm i Kim Kardashian.

Ylli i “Keeping Up With The Kardashians” i la pak vend imagjinatës me fustanin e zi, që i ekspozonte gjoksin gjatë daljes në tapetin e kuq të eventit “The Hollywood Beauty”.

Megjithatë, duket se impakti ishte i madh, sepse u deshën vetëm 24 orë, që menjëherë pas daljes së Kimit të krijoheshin imitimet e këtij fustani e të shiteshin “online” për 50 dollarë.

Këtë e pohoi sot në studio stilistja Katerina Zoto, sipas të cilës, realizimi i fustanit nuk kërkon shumë kohë, madje mund të përfundohet brenda dy orëve.

Padyshim, vlera e fustanit origjinal është shumë herë më e lartë, aq më tepër pasi u promovua nga sekssimboli botëror, Kim Kardashian.

Top Channel