Filmi “Guximi” nga Top Channel Films, nis të shfaqet nesër në kinema
06/04 19:54
Dokumentari “Triumph” do të jetë pjesë e “American Documentary Film Festival and Film Fund”, në Palm Springs të Kalifornisë, dhe do të shfaqet më 29 mars.
Me regji të Kreshnik Jonuzit dhe Luftar Von Ramës, dokumentari ka në qendër lojtarët e kombëtares shqiptare, të bërë bashkë nga fanella kuqezi. Sjell histori të ndryshme, duke prekur aspektet kulturore, politike dhe historike, si dhe tregon rrugëtimin e tyre në Kampionatin Europian 2016.
Më 14 tetor 2014, Shqipëria dhe Serbia u përballën në stadiumin e Partizanit në Beograd. Pikërisht kjo ndeshje shënon edhe kulmin e dokumentarit. Në ndeshje nuk u lejua që të merrnin pjesë tifozët shqiptarë, ndërsa ata serb brohorisnin kundër shqiptarëve dhe kosovarëve.
Gjatë takimit pati incidente të shumta, por kulmi arriti kur mbi stadium u valëvit flamuri i Shqipërisë etnike, i cili kishte në njërën anë fotografinë e Ismail Qemalit e në tjetrën atë të Isa Boletinit, ndërsa poshtë shkruhej “Autoktonë”.
Mjaftoi kjo për të nxitur akoma më shumë situatën në stadium ku më pas tifozët sulmuan edhe lojtarët shqiptarë.
Top Channel
