Momenti kur “shembet” në fushë gjatë ndeshjes, skuadra e Romës publikon foton e Ndicka nga spitali 14/04 22:56
Gjithçka duket gati në stadiumin “Selman Stërmasi” për derbin e 153-të mes Tiranës dhe Partizanit. Të gjitha biletat janë të shitura dhe tifozeritë po bëjnë përgatitjet e fundit për ta shndërruar në festë përballjen e dy prej skuadrave me më shumë trofe në vendin tonë.
Pas afro dy dekadash, Partizani në këtë sezon është shumë pranë titullit kampion dhe ka një diferencë prej 21 pikësh me Tiranën e vendit të 7, që po përpiqet të rimëkëmbë një sezon të filluar jo mirë.
“Të kuqtë” kryesojnë të vetëm, në një sezon ku po bëjnë shumë mirë, me vetëm 4 humbje në 23 ndeshje, por edhe “bardheblutë” e kanë filluar këtë vit 2019 pa humbje, duke bërë paraqitje dhe rezultate relativisht të mira.
Gjithsesi, 5 vite pa fituar një derbi ia ka shndërruar në ngërç këtë ndeshje Tiranës. Nga ana tjetër, te Partizani mbizotëron euforia e sukseseve të fundit. Megjithatë, siç thuhet, çdo ndeshje ka historinë e saj, aq më tepër kur bëhet fjalë për një derbi.
Ndeshja mes Tiranës dhe Partizanit do të fillojë në orën 18:00 dhe për të gjithë ata që nuk kanë mundur të sigurojnë bileta, do të kenë mundësinë ta ndjekin drejtpërdrejt dhe ekskluzivisht në paketën “Supersport” të platformës “Digitalb”.
Top Channel
