Polonia, e gatshme të kthejë në Kiev ukrainasit që të shërbejnë në ushtri 24/04 22:47
Egjipti do të presë samitin e parë të përbashkët të liderëve të Ligës Arabe dhe liderëve të Bashkimit Europian, duke filluar nga e diela, një mbledhje e lënë në hije nga ndarjet e brendshme në të dyja aleancat dhe bisedimet e minutave të fundit për Brexit.
Takimi dy-ditor në Sharm el-Sheikh në Detin e Kuq është faturuar si një pikënisje për dy organet rajonale, për të rritur bashkëpunimin në përparësitë e përbashkëta strategjike, duke përfshirë migracionin, sigurinë dhe ndryshimet klimatike.
Zhvillimi ekonomik, çështja palestineze dhe konfliktet në Libi, Siri dhe Jemen janë gjithashtu disa nga temat për diskutim. Zyrtarët luftuan për të arritur në vendosjen e një agjende apo deklarate përfundimtare, por pritshmëritë për veprime konkrete në secilën prej këtyre subjekteve, janë modeste në rastin më të mirë.
“Ne nuk shohim në të gjitha këto çështje, sy për sy me botën arabe”, tha një zyrtar i lartë i BE. “Por ndërvarësia kërkon dialog dhe angazhim të ndërsjelltë. Çfarëdo që ndodh është shumë e rëndësishme për ne dhe anasjelltas”.
Më tepër se 20 krerë shtetesh ose qeveritarë evropianë do të jenë në samit, duke përfshirë kancelaren gjermane Angela Merkel dhe kryeministren britanike Theresa May.
Por shumë prej tyre konfirmuan pjesëmarrjen e tyre vetëm pasi u bë e qartë se as Presidenti sudanez Omar al-Bashir as Princi i Kurorës Arabe Saudite Mohammed bin Salman nuk do të jenë pjesë e samitit.
Sundimtari de facto saudit është shmangur që kur gazetari amerikan Jamal Khashoggi u vra në konsullatën saudite në Stamboll në tetor dhe delegacioni saudit pritet të udhëhiqet nga mbreti Salman. Bashiri i nënshtrohet një urdhër arresti nga Gjykata Ndërkombëtare Penale dhe përballet me protesta në të cilat janë vrarë dhjetëra njerëz.
Top Channel
