NBA, Toronto s’di të ndalet. Mposht edhe kampionët e Golden State

13/12/2018 13:35

Toronto di të ndalet më në kampionatin amerikan të basketbollit, NBA. Skuadra kanadeze fitoi edhe sfidën më të shumëpritur të sezonit, atë me Golden State, të cilën e mundi me rezultatin 113-93.

Në këtë përballje, ata që morën përsipër të drejtojnë skuadrën kanadeze drejt fitores ishin Kyle Loëry, me 23 pikë e 12 asiste, dhe Serge Ibaka, me 20 pikë e 12 topa në tabelë. Te Warriors, i vetmi që bëri diferencën ishte Kevin Durant, me 30 pikë, ndërsa Curry e mbylli sfidën me vetëm 10 pikë të shënuara.

Cleveland mundi Neë Yorkun 113-116 në “Quicken Loans Arena”, një rezultat ky që rezulton disi surprizë, duke parë formën jo të mirë që po gëzon skuadra nënkampione e NBA-së. Ajo ndaj Knicks ishte fitorja e 7 sezonale për Cavaliers, që tashmë e shohin veten në vendin e tretë nga fundi në Konferencën e Lindjes.

Protagonist të ndeshjes për Cleveland u bënë Jordan Clarkson, me 28 pikë të shënuara, i ndjekur nga Hood me 23 pikë, Sexton me 19 dhe Dellavedova me 15 pikë.

Fitore të rëndësishme arriti edhe New Orleans në ndeshjen e radhës në NBA. Pelicans mundën një prej ekipeve më në formë në Konferencën e Perëndimit, Oklahomën, me rezultatin 118-114.

Njeriu i sfidës për New Orleans u bë Anthony Davis, me 44 pikë të shënuara e 18 topa në tabelë, duke vënë kështu kandidaturën për çmimin “MVP” i sezonit. Por, te Pelicans u dalluan edhe Randle me 22 pikë e 12 topa në tabelë, si dhe Holiday me 20 pikë e 10 asiste.

Dallas Mavericks mundi Atlantën 114-107, në një ndeshje që përmbante në vetvete edhe sfidën mes dy debutuesve në NBA, Donçiç dhe Young. Të dy basketbollistët janë vënë përballë njëri-tjetrit disa herë, me sllovenin që ka shkëlqyer më shumë sesa rivali i tij.

Sa i përket kësaj sfide, Donçiç e mbylli me 24 pikë e 10 topa në tabelë, statistika këto të ngjashme me ato të Young, me 24 pikë e 10 asist. Por, për të fituar këtë ndeshje, përveç Donçiçit Dallasi i besoi edhe Jordan, me 11 pikë e 11 topa në tabelë, e Barnes me 25 pikë.

Top Channel