Protesta studentore ka marrë një hov të ri këtë të enjte, në ditën e dytë të marshimit nga fakultetet respektive drejt Ministrisë së Arsimit, në “rrugën e Durrësit”, në Tiranë.

E enjtja shënon ditën e dytë për studentët në kryeqytet, e po ashtu edhe për ata në Elbasan, ndërkohë që studentët e Korçës janë bashkuar për herë të parë sot në bojkotimin e mësimit.

  Tarifat e provimeve të bartura, studentët protestojnë edhe në Korçë

Ata të “Fan Nolit” në qytetin juglindor kanë dalë me parulla që paralajmërojnë një lëvizje edhe më të gjerë, si të vitit ’90, pavarësisht se kërkesat e tyre nuk kanë më lidhje me rrëzimin e diktaturës së dikurshme, por anulimi i VKM-së për tarifat shtesë në arsimin e lartë, përgjysmim i tarifës së studimit, përmirësimi i kushteve në konvikte, si dhe përfaqësimi në Bordin e Administrimit, ku ka përfaqësues nga fakultetet dhe Ministria e Arsimit.

SHIH VIDEO:

  Pa Koment – Protesta në Tiranë

Në kryeqytet, ndërkohë, marshuesit kanë mbërritur në Ministrinë e Arsimit dhe Sportit, për të dytën ditë me radhë, me kërkesën kryesore uljen e tarifave arsimore.

Gjithsesi, duket se në Gjirokastër mësimi vijon normalisht, ndërsa studentët e Shkodrës kanë njoftuar se do të bashkohen të premten me protestuesit, sikurse edhe ata të “Aleksandër Xhuvanit” në Elbasan.

FOTO GALERI
2/25

Top Channel