“Mata Hari”, telenovela e re në Top Channel nga kjo e diel

Emri i saj është përdorur shumë në letërsi dhe kinematografi. Prodhimi më i fundit është seriali ruso-portugez i vitit 2017, prodhuar nga kompania britanike-ruso-ukrainase “Star Media”, në bashkëpunim me “Channel One”, Rusi dhe “Inter”, Ukrainë.

Filmi serial i dedikohet historisë së spiunes legjendare, joshjes fatale dhe kërcimtares pasionante, e njohur më shumë nën pseudonimin Mata Hari, e cila u përfshi në aktivitet spiunazhi në favor të Gjermanisë gjatë Luftës së Parë Botërore.

Margaret MacLeod, e përndjekur nga ish-burri i saj, privohet nga kujdestaria e së bijës dhe lihet në mëshirë të fatit. Ajo nuk thyhet, por do të bëhet kërcimtare.

  Mata Hari – Episodi 1, 2

Nën pseudonim Mata Hari, Margaret kthehet ndër femrat më të favorizuara të elitës europiane. Për të do të hapen dyert e vilave dhe shtëpive luksoze, çdo performancë është një sukses i jashtëzakonshëm.

Por, Lufta e Parë Botërore troket në derë, gjë e cila do të ndryshojë përgjithmonë kursin e historisë. Mata Hari, vështirë se mund të parashikojë çfarë roli është e destinuar të luajë ajo, në ngjarjet që do të pasojnë: Nënë, kërcimtare, kurtizane, spiune.

Për audiencën e saj, Mata Hari ishte një performuese e kërcimtare famëkeqe. Për të dashurit e saj pasanikë, ajo ishte një femër joshëse, e këndshme, por misterioze. Për të dyja shërbimet sekrete, ajo gjermane dhe ajo franceze, ajo ishte informatore e besueshme dhe e çmueshme, e cila u zbulua si agjente e dyfishtë.

Mata Hari vjen nën interpretimin e aktores franceze, Vahina Giocante, e përkrah saj janë emra të mëdhenj si Christopher Lambert, John Corbett, Gerard Depardieu.

Historia e spiunes më të famshme të botës do të transmetohet çdo të dielë në Top Channel, në orën 15:15 minuta.

Top Channel