Italia-BE-së: Nuk ndryshojmë buxhetin, por monitorojmë borxhin në vitet në vijim

Në një letër drejtuar Komisionit, ministri i ekonomisë Giovanni Tria tha se ai e kuptoi se buxheti, i cili do të rritë deficitin e vitit të ardhshëm në 2.4 përqind të PBB-së, nuk ishte në përputhje me Paktit të Stabilitetit dhe Zhvillimit të BE-së.

Megjithatë, duke kërkuar të heshtin alarmin në rritje nga aleatët e BE, ai tha se qeveria duhej t’u përgjigjej viteve të rritjes anemike në ekonominë e tretë më të madhe të eurozonës.

“Buxheti ishte një vendim i vështirë, por i domosdoshëm në dritën e vonesës së Italisë në kapjen e niveleve të para krizës së PBB-së dhe kushteve të dëshpëruara ekonomike në të cilat qytetarët më të pafavorizuar e gjejnë veten”, shkruante Tria.

Komisioni Europian i dërgoi Romës një letër paralajmëruese për buxhetin javën e kaluar, që u pa si hapi i parë formal i një procedure që mund të çonte Brukselin të refuzojë paketën buxhetore të Italisë.

Një zëdhënës i BE tha se Komisioni do të vendoste të martën hapin e tij të ardhshëm. Duke nënvizuar tensionet në rritje, ministri gjerman i financave, Olaf Scholz tha se Italia duhej të ishte “e kujdesshme” mbi borxhin e saj, ndërsa kancelari austriak Sebastian Kurz i bëri thirrje Komisionit të BE-së që të refuzojë buxhetin nëse nuk janë bërë ndryshime.

Kryeministri italian Giuseppe Conte hodhi poshtë kritikat e Kurz si “të pakujdesshëm” dhe përsëriti se Roma dëshironte të kishte “dialog konstruktiv” mbi buxhetin, i cili përfshin shkurtimet e taksave, rritjen e mirëqenies dhe një kthim prapa të reformës së ashpër të pensioneve.

Top Channel