Top Story/ “Pastruesja” që preku interesat e kumarit në Parlament
17/10/2018 21:44
Anulimi i provimit të fazës së dytë, reagon Shkolla e Magjistraturës: Pasi u bë verifikimi i të gjitha ankesave… 24/04 22:03
Projektligji i propozuar nga Ministria e Financave, i hartuar në vitin 2015, do të formalizonte përfundimisht industrinë e lojrave të fatit, por ky propozim për çudi nuk u prit aspak mirë nga deputetët.
Top Story solli në vëmendje debatet të cilat filluan sapo drafti erdhi ne tavolinën e kryetarit të Komisionit të Ligjeve në atë kohë, Fatmir Xhafaj. Në këtë komision, ishte e pranishme drejtoresha e Mbikqyrjes së Lojrave të Fatit, Luneda Sufali, e cila në batutë e sipër u shpreh se të gjithë deputetët e pranishëm kanë konflikt interesi me bixhozin.
Kjo deklaratë ngacmoi Kryetarin e Komisionit, Xhafaj, i cili tentoi që ta nxirrte jashtë nga salla. Por, përse ky nervozizëm mes zotit Xhafaj dhe zonjës Sufali?!
Në pamje të parë u duk si një debat i zakonshëm, por deputetët e Partisë Demokratike japin një tjetër shpjegim. Sipas tyre Xhafaj u përplas me Sufalin, sepse ishin prekur kompanitë e të vëllait dhe lidhjet me Gramoz Muratin.
Aksioni “Fundi i Marrëzisë” kishte prekur interesa të forta politike, që kishin vendosur fatin e tyre në bodrumet e kumarit.
Top Channel
