Renditja e FIFA-s kryesohet nga Franca, asnjë ndryshim për Shqipërinë e Kosovën
16/08/2018 14:34
Një turk për kuqezinjtë, Kurtulan zgjodhi Shqipërinë para Turqisë dhe Maqedonisë së Veriut 19/11 15:29
Kombëtarja shqiptare nuk ka lëvizur nga pozicioni i saj në hierarkinë e futbollit global, pasi pushimet e verës dhe mungesa e sfidave pas Botërorit kanë ruajtur thuajse të njëjtin klasifikim.
Formacioni kuqezi, i drejtuar nga trajneri Christian Panucci, mbetet në vendin e 58 në renditjen e hartuar së fundmi nga FIFA.
Shqipëria mbetet me diferencë fare të vogël nga Sllovenia dhe Koreja e Jugut, por gjithsesi mbi ekipet e Amerikës Latine, si Bolivia apo Ekuadori.
Në klasifikimin e parë pas përfundimit të Botërorit, as Kosova nuk ka rezervuar risi, me vendin e 141-të mes ekipeve modeste si Hong Kongu apo Botsvana.
Turneu i kësaj vere u reflektua dukshëm në klasifikimin e FIFA-s, me Francën kampione të botës në vendin e parë, me 1.726 pikë. Kroacia arriti të shkojë deri në finalen e madhe të Moskës, por pavarësisht rrugëtimit mbresëlënës nuk është as në podiumin e përkohshëm.
Në vendin e dytë është Belgjika, ndërsa i treti është Brazili.
Top Channel
